ខ្សែប្រយុទ្ធ Lionel Messi រកបាន២គ្រាប់ម្នាក់ឯង ជួយក្រុម FC Barcelona យកឈ្នះលើក្រុម Espanyol ក្នុងលទ្ធផល ២-០ ក្នុងការប្រកួតក្របខណ្ឌ La Liga របស់អេស្ប៉ាញ។គេនៅចាំបានថា Messi បានរងរបួសកាលពីលេងឱ្យជម្រើសជាតិអាហ្សង់ទីនកន្លងទៅ ដែលតម្រូវឱ្យរូបគេត្រលប់មកក្លឹប Barcelona វិញភ្លាមៗតែម្ដង ក្រោយលេងបាន១ប្រកួតប៉ុណ្ណោះ។ យ៉ាងណាមិញ ក្រោយពីសម្រាកព្យាបាលមួយរយៈមកនេះ នៅយប់មិញរូបគេអាចចូលលេងបានវិញហើយ ថែមទាំងជួយក្រុមអ្នកមានបុណ្យរកបាន៣ពិន្ទុបន្ថែមផងដែរ។
រកបាន២គ្រាប់យប់មិញនេះ បានធ្វើឱ្យក្រុម Barcelona នាំមុខដាច់ពិន្ទុទៅហើយក្នុងតារាង La Liga ។ មួយវិញទៀត វាក៏ជាគ្រាប់បាល់បង្គ្រប់ឱ្យ Messi ក្លាយជាកីឡាករដំបូងរកបាន៤០គ្រាប់ក្នុង១០រដូវកាលជាប់ៗគ្នាផងដែរ៕
