លោក Jurgen Klopp បានប្រាប់ថារឿងសំខាន់សម្រាប់ក្រុម Liverpool គឺបានលេងនៅ UEFA Champions League នារដូវកាលក្រោយ ប្រសិនបើមិនអាចឈ្នះពានលីគទេនោះ ត្រឹម Top4 ក៏បានដែរ។
លោក Klopp បាននិយាយមុនការប្រកួតទល់ក្រុម Spurs នាថ្ងៃស្អែកនេះថា៖ “ប្រសិនបើយើងអាចលេងពានរង្វាន់ UEFA Champions League ៣រដូវកាលជាប់គ្នា វាគឺជារឿងធំហើយ។ វាជារឿងសំខាន់សម្រាប់ក្លឹបនេះ។ យើងត្រូវការលុយដើម្បីធ្វើរឿងជាច្រើនទៀត។ ហើយការបានលេង UCL គឺជារឿងល្អបំផុត។ នារដូវកាលនេះ យើងធ្វើបានយ៉ាងល្អ ឆ្លងកាត់ Napoli , Bayern Munich គឺជាជោគជ័យធំមួយសម្រាប់ក្រុម”។
ក្រុម Liverpool ខកខានលើកពានរង្វាន់ English Premier League ជាង២០ឆ្នាំមកហើយ។ អ្នកគាំទ្ររំពឹងថានៅពេលណាមួយ ពួកគេនឹងមានឱកាសបានស្គាល់ពាននេះវិញ ដែលជាគោលដៅធំសម្រាប់អ្នកគាំទ្រ។ ជាក់ស្ដែងរដូវកាលនេះ ពួកគេកំពុងមានឱកាសហើយ ប្រសិនណាបើអាចឈ្នះការប្រកួតទាំងអស់នៅសល់បាន៕ប្រភព៖ Dailymail
