Messi ៖ ​ខ្ញុំ​ចាប់​ផ្ដើម​នឹក Ronaldo ​ហើយ​

ខ្សែ​ប្រយុទ្ធ Lionel Messi ​បាន​បង្ហើប​អារម្មណ៍​របស់​ខ្លួន​ថា​កំពុង​នឹក Cristiano Ronaldo ​គ្រា​ដែល​ពួកគេ​ប្រកួត​ប្រជែង​គ្នា​ខ្លាំង​នៅ La Liga ​។

Ronaldo ​បាន​ចាកចេញ​ពី Real Madrid ​ដើម្បី​ចូល​រួម​ជាមួយ​ក្រុម Juventus ​កាល​ពី​រដូវ​កាល​មុន ​ក្នុង​តម្លៃ​ខ្លួន​១០០​លាន​ផោន។ ​ការ​ចាកចេញ​នេះ​ដែរ ​បាន​ធ្វើ​ឱ្យ​ក្របខណ្ឌ La Liga ​របស់​អេស្ប៉ាញ​ហាក់​ដូចជា​បាត់​បង់​ប្រជាប្រិយភាព​បន្តិច ​ហើយ​ការ​ប្រកួត​ប្រជែង​ក៏​មិន​មាន​ខ្លាំង​ដែរ។ ជា​ពិសេស​កីឡាករ​រក​គ្រាប់​បាល់​បាន​ច្រើន​ជាង​គេ​ដូច Messi ​ជា​ដើម។

ទន្ទឹម​នឹង​រឿង​នេះ​ដែរ  Messi ​បាន​និយាយ​ដែរ​ថា​៖ “ខ្ញុំ​នឹក Cristiano ​បើ​ទោះ​ជា​ពេល​គេ​លើក​ពាន​ពិបាក​ក្នុង​ចិត្ត​មែន ប៉ុន្តែ​គាត់​បាន​ផ្ដល់​ឱ្យ La Liga ​មាន​ការ​ប្រកួត​ប្រជែង​ខ្ពស់។ Juventus ​ជា​បេក្ខភាព​មួយ​ដែល​អាច​ឈ្នះ Champions League ​នា​រដូវ​កាល​នេះ ​បន្ទាប់​ពី Cristiano ​បាន​ទៅ​ចូល​រួម។ ដូច​ប្រកួត​ទល់ AT Madrid ​ស្រាប់ ដែល​បាន​បញ្ជាក់​យ៉ាង​ច្បាស់”៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT