ក្រុមអ្នកគាំទ្ររបស់ FC Barcelona បានបោះឆ្នោតយកគ្រាប់បាល់របស់ Lionel Messi ដែលទាត់ចូលក្រុម Getafe គឺជាគ្រាប់បាល់ល្អបំផុតក្នុងប្រវត្តិសាស្ត្ររបស់ក្លឹប។
ការបោះឆ្នោតនោះធ្វើឡើង៣ខែមកហើយ ដោយទទួលបានសំឡេងគាំទ្ររហូតដល់៥សែនសំឡេងឯណោះ។ មានគ្រាប់បាល់៦៤គ្រាប់ដែលសុទ្ធសឹងតែជាគ្រាប់បាល់ស៊ុតបញ្ចូលទីល្អៗ ត្រូវបានគេជ្រើសរើសឱ្យមានការបោះឆ្នោត។ ជាលទ្ធផល គ្រាប់របស់ Messi ទាត់ចូល Getafe នោះ ត្រូវបានគេជ្រើសច្រើនជាងគេ រហូតដល់៤៥%។
គ្រាប់បាល់១គ្រាប់នោះដែរ គឺ Messi អូសតាំងពីពាក់កណ្ដាលទីលាន ដោយញាក់ដាច់កីឡាករ៦ ៧នាក់ មុនពេលសម្រេចទីបានសម្រេច។ ១គ្រាប់នេះដែរ ត្រូវបានគេយកទៅប្រៀបជាមួយគ្រាប់បាល់របស់ Maradona ដែលធ្វើបានដូចគ្នាកាលពីឆ្នាំ១៩៨៦ គ្រាលេងពានរង្វាន់ World Cup ទល់ក្រុមអង់គ្លេស។ គិតត្រឹមបច្ចុប្បន្ននេះ Messi រកគ្រាប់បាល់បាន៥៩១គ្រាប់ហើយ ឱ្យក្រុម FC Barcelona ៕ប្រភព៖ Dailymail