ក្លឹប Lyon បានប្រកាសថាក្លឹប Liverpool បានបរាជ័យក្នុងការទិញកីឡាករ Fekir ពីក្រុមរបស់ខ្លួនហើយ ក្រោយពីការចរចាមិនត្រូវគ្នា។
កីឡាករជម្រើសជាតិបារាំង ដែលរកបាន២៣គ្រាប់កាលពីរដូវកាលមុនឱ្យក្រុម Lyon គឺជាគោលដៅទី ១រវបស់លោក Jurgen Klopp នារដូវក្ដៅនេះ ដើម្បីជំនួសកន្លែងរបស់ Philpppe Coutinho ។ ក្លឹបនៅអង់គ្លេសមួយនេះ បានផ្ដល់តម្លៃខ្លួនដល់រូបគេ៥៣លានផោន កុងត្រា៥ឆ្នាំ ហើយទទួលបាន ១៤០ ០០០ផោនទៀតក្នុង១សប្ដាហ៍។ ដំបូងឡើយ ខាងក្រុមពិនិត្យសុខភាពរបស់ Liverpool បានទៅបារាំង ដើម្បីធ្វើតេស្ដ Fekir ហើយ ប៉ុន្តែស្រាប់តែចុងក្រោយបែរជាមិនត្រូវគ្នាទៅវិញ។
ក្លឹប Lyon បានប្រកាសលើវិបសាយផ្ទាល់ខ្លួនថា ការចង់បានរបស់ Liverpool គឺបរាជ័យហើយ។ ដូច្នេះ Fekir នៅតែជាកីឡាកររបស់ Lyon ដដែលនៅរដូវកាលខាងមុខនេះ។ យ៉ាងណាមិញ ក្រោយពីបង្ហោះបានប៉ុន្មាននាទី ស្រាប់តែអត្ថបទមួយនេះ ត្រូវបានគេដកចេញវិញ។ ដូច្នេះរង់ចាំមើលបន្ដទៀត ថាតើ Liverpool ពិតជាបរាជ័យមែនឬយ៉ាងណា?
