ក្រុមល្បីឈ្មោះ Manchester United , Juventus , Spurs និង Inter Milan នឹងមកលេងពានរង្វាន់ International Champions Cup នាប្រទេសសិង្ហបុរីនៅខែមិថុនាឆ្នាំ២០១៩ខាងមុខនេះ។អ្នករៀបចំការប្រកួតក្រោយពីធ្វើការប្រជុំកាលពីម្សិលមិញ ក៏បានប្រកាសរឿងខាងលើនេះ។ ប៉ុន្តែពួកគេមិនទាន់បានបញ្ជាក់ថាក្រុមទាំង៤នេះ នឹងនាំយកជម្រើសក្រុមធំ ឬនាំយកកីឡាករណាខ្លះមកនោះទេ។ ការប្រកួតនឹងលេង២ប្រកួតនៅកីឡដ្ឋានជាតិរបស់សិង្ហបុរី ដោយក្រុម Man Utd ប៉ះ Inter Milan ថ្ងៃទី២០ និងក្រុម Juventus ប៉ះក្រុម Spurs នៅថ្ងៃទី២១ខែមិថុនាឆ្នាំ២០១៩។ការប្រកួតពានរង្វាន់ ICC នេះដែរ នឹងធ្វើឡើងដោយមានក្រុមធំៗជាច្រើនរហូតដល់១២ក្រុម ធ្វើការប្រកួតទៅតាមប្រទេសផ្សេងៗ។ វាជាការប្រកួតត្រៀមរដូវកាលថ្មីមួយ ដែលបានបង្កើតឡើងប៉ុន្មានឆ្នាំមកហើយ។ ក្រុម Spurs គឺជាក្រុមការពារតំណែងជើងឯកពានរង្វាន់មួយនេះ៕