Carles Puyol ដែលជាអតីតកីឡាករនៅក្រុមកាតាឡាន់បានចេញមកបកស្រាយនូវរឿងរ៉ាវមួយចំនួនដែលកំពុងផ្ទុះក្នុងវិស័យបាល់ទាត់នាពេលបច្ចុប្បន្ន។
ក្រោយមានការសួរនាំថានរណាជាខ្សែការពារកណ្តាលល្អបំផុតក្នុងលោក Puyol បានធីបចោល Sergio Ramos និង Virgil van Dijk ហើយនិយាយថា Gerard Pique ឯណេះទេ ដែលសក្តិសមនឹងតំណែងខ្សែការពារល្អដាច់គេ។ មិនតែប៉ុណ្ណោះ Puyol ក៏ទទួលស្គាល់ថែមទៀតថា Pique ធ្វើបានល្អជាងខ្លួនទៀតផងនៅតំណែងនេះ។
ជីកកកាយដល់ការវិលត្រលប់មកវិញរបស់លោក Zinedine Zidane រូបលោកបន្តទៀតថា៖ “Zidane មានពេលវេលា ៨ ខែក្នុងការសម្រេចចិត្តពីអ្វីដែលគាត់ចង់ធ្វើ ស្របពេល Madrid ពិតជាមិនអាចទទួលបានជោគជ័យដោយគ្មានគាត់ពិតមែន បែបនេះពួកគេគួរតែទទួលស្គាល់រឿងនេះ ប៉ុន្តែសំណួរគឺត្រង់ថាតើ Zidane អាចធ្វើបានល្អប្រសើរជាងពេលមុនដែរឬក៏យ៉ាងណា”។ ប្រភព: SportBible