ក្លឹប Juventus បានប្រកាសថា Cristiano Ronaldo នឹងអាចជាទាន់ពេលវេលា ដើម្បីលេងទល់ក្រុម Ajax ក្នុងការប្រកួតពានរង្វាន់ UEFA Champions League វគ្គ៨ក្រុមចុងក្រោយ។
Ronaldo បានរងរបួសសរសៃពួរពេលលេងឱ្យជម្រើសជាតិព័រទុយហ្គាល់ ទល់ក្រុមសែបក្នុងការប្រកួតវគ្គជម្រុះ Euro 2020 ។ ការរបួសកីឡាករសំខាន់នេះ បានធ្វើឱ្យក្រុមសេះបង្កង់មានក្ដីបារម្ភខ្លាំងដែរ ព្រោះពួកគេត្រូវលេង UEFA Champions League នៅខែក្រោយនេះ។ ប៉ុន្តែក្រោយពីបានពិនិត្យម៉ត់ចត់ទៅ របួសនេះមិនធ្ងន់ធ្ងរទេ ដោយ Ronaldo អាចលេងបានជាធម្មតានៅពេលប្រកួតទល់ក្រុម Ajax នេះ។
Ronaldo ជាកីឡាករសំខាន់របស់ Juventus ដែលបានជួយក្រុមនេះយកឈ្នះក្រុម Atletico Madrid ៣-០ នៅជើងទី២ ក្រោយពីចាញ់ ២-០ កាលពី១ហើយនោះ។ ៣គ្រាប់ជួយក្រុមឡើងដល់វគ្គ៨ក្រុមនេះ គឺជាគ្រាប់ដែល Ronaldo រកបានតែម្នាក់ឯងប៉ុណ្ណោះ៕ប្រភព៖ Dailymail
