Conor McGregor បានប្រកាសចូលនិវត្តន៍ពីប្រដាល់ក្នុងទ្រុង MMA ហើយ ក្រោយពីចំណាយពេលច្រើនឆ្នាំនៅទីនេះ ហើយបានក្លាយជាតារាល្បីឈ្មោះម្នាក់ផងដែរ។
ការប្រកាសចូលនិវត្តន៍នេះដែរ បានបង្កឱ្យមានការភ្ញាក់ផ្អើលជាខ្លាំង ត្បិតអីកីឡាករវ័យ៣០ឆ្នាំនេះតែងតែបង្កឱ្យមានការចាប់អារម្មណ៍ខ្លាំងនៅលើសង្វៀន UFC ជានិច្ច។ ជាក់ស្ដែង ការប្រកួតរបស់គេ ជាមួយកីឡាករ Khabib Nurmagomedov ជើងខ្លាំងរបស់រុស្ស៊ីជាដើម ល្បីទូទាំងពិភពលោកតែម្ដង។ ការល្បីនោះដែរ គឺដោយសារតែ Conor ចាញ់ហើយ ប៉ុន្តែបង្កជាជំលោះវាយគ្នាផ្អើលសង្វៀន។
Khabib ដែលជាដៃគូជម្លោះជាមួយ Conor បានបង្ហោះសារមួយឌឺដងទៅនឹងការប្រកាសចូលនិវត្តន៍នេះថានៅក្នុងព្រៃ មានតែស្ដេចមួយប៉ុណ្ណោះ។ ការនិយាយបែបនេះ គឺចង់បញ្ជាក់រូបគេនៅតែជាជើងខ្លាំងរបស់ UFC ដដែល មិនមែនជា Conor ឡើយ៕ប្រភព៖ Dailymail
