ជាការពិតណាស់ឲ្យតែមានវត្តមាន Cristiano Ronaldo នៅទីណា បណ្តុំអ្នកគាំទ្រជាច្រើនតែងតែលេចមុខនៅទីនោះ។ កន្លងទៅអំឡុងលេងឲ្យជម្រើសជាតិព័រទុយហ្គាល់ ក្រោយកីឡាករត្រលប់មកសណ្ឋាគារវិញ Cristiano ក៏បានបង្កើតរឿងរ៉ាវហួសចិត្តមួយ និងចាក់ដោតបេះដូងអ្នកគាំទ្រក្លឹប R.Madrid ជាពន់ពេក។
គ្រានោះមានអ្នកគាំទ្រម្នាក់បានយកអាវរបស់ក្រុមស្តេចសមកសុំ Ronaldo ឲ្យចុះហត្ថលេខា ហើយបុរសវ័យ ៣៤ ឆ្នាំក៏មិនប្រកែកនោះដែរ ប៉ុន្តែលោកបាននិយាយទាំងស្នាមញញឹមវិញថា៖ “អ្នកត្រូវតែមានឈុតរបស់ក្លឹប Juventus ឥឡូវនេះ“។
សារនេះបញ្ជាក់ចំៗថាលោកលែងមានចិត្តអាឡោះអាល័យជាមួយក្លឹបយក្សនៅអេស្ប៉ាញទៀតហើយ ថ្វីបើចំណាយពេល ៩ ឆ្នាំនៅទីនោះក៏ដោយ។ ផ្ទុយទៅវិញបានទទូចឲ្យអ្នកគាំទ្រទាំងអស់ងាកមកចាប់អារម្មណ៍ជាមួយក្លឹប Juventus ដែលលោកកំពុងឈរជើងវិញ។ ប្រភព: Mirror