ក្រោយបិទការប្រកួតទល់នឹងក្រុមជម្រើសជាតិប៉ាណាម៉ា ខ្សែបម្រើ Casemiro បានប្រាប់សារព័ត៌មាន AS ថាខ្លួនពិតជាអបអរសាទរដល់ក្លឹប Real Madrid ដែលអាចចុះហត្ថលេខាយកកីឡាករ Militao ចេញពីក្លឹប Porto FC កាលពីពេលថ្មីៗនេះ។
ខ្សែការពារសញ្ជាតិប្រេស៊ីល Eder Militao បានព្រមព្រៀងលើការចុះហត្ថលេខាឲ្យក្លឹប Real Madrid កាលពីថ្ងៃទី ១៤ មិនាកន្លងទៅ ក្នុងតម្លៃខ្លួន ៥០ លានអឺរ៉ូ ដែលនឹងមកចូលរួមជាកីឡាករពេញសិទ្ធនៅស្តេចនារដូវកាលក្រោយ ២០១៩/២០។
Casemiro ដែលជាមិត្តរួមជម្រើសជាតិនៅក្រុមប្រេស៊ីលបាននិយាយថា៖ “ខ្ញុំពិតជាសាទរដល់ Real Madrid សម្រាប់ការចុះហត្ថលេខាយក Militao ព្រោះពាក់កណ្តាលក្លឹបនៅអឺរ៉ុបសុទ្ធសឹងតែចង់បានរូបគេ ដោយគេនឹងពិតជាទទួលការស្វាគមន៍សម្រាប់រដូវកាលក្រោយ”។
បញ្ជាក់ថានាជំនួបបន្ទាប់ក្រុមប្រេស៊ីលនឹងត្រូវប៉ះគ្នាជាមួយសាធារណរដ្ឋឆែក ដោយគេក៏សង្ឃឹមនឹងឃើញវត្តមាន Militao និង Casemiro បង្ហាញខ្លួនព្រមគ្នាក្នុងថ្ងៃនោះ ស្របពេលក្លឹប Real Madrid ក៏នឹងត្រូវតតាំង Huesca ក្រោយបញ្ចប់ International Break នាប៉ុន្មានថ្ងៃខាងមុខ។ ប្រភព:Sportskeeda