Dijk ៖ ​ហុល្លង់ ​ប៉ះ​អាល្លឺម៉ង់ ​មិន​មែន​ជា​រឿង​ងាយ​ស្រួល​ទេ​

ក្រុម​បាល់ទាត់​ជម្រើស​ជាតិ​ហុល្លង់ ​នឹង​ត្រូវ​លេង​ទល់​ក្រុម​អាល្លឺម៉ង់ ​នៅ​វេលា​ម៉ោង​២:៤៥​នាទី​រំលង​អាធ្រាត្រ​នេះ ​ក្នុង​ការ​ប្រកួត​ជម្រុះ​ពាន​រង្វាន់ Euro 2020 ។ក្រុម​ហុល្លង់ ​មិន​បាន​ឡើង​ទៅ​លេង​ពាន​រង្វាន់ Euro ​ឡើយ​កាល​ពី​ឆ្នាំ​២០១៦​កន្លង​ទៅ ​ប៉ុន្តែ​តាំង​ពី​លោក Ronald Koeman ​ចូល​ដឹក​នាំ ​ក្រុម​អធិរាជ​ពណ៌​ទឹក​ក្រូច​មួយ​នេះ​១១​ប្រកួត ​ចាញ់​តែ​២​ប្រកួត​ប៉ុណ្ណោះ។ ហើយ​នៅ​ឆ្នាំ​នេះ ​ពួកគេ​កំពុង​ធ្វើ​បាន​ល្អ​ស្រាប់ ​ដោយ​ទើប​តែ​ទម្លាក់​ក្រុម​អាល្លឺម៉ង់​ពី​ពាន​រង្វាន់ UEFA Nation League ​ថែម​ទៀត។

សម្រាប់​ការ​ប៉ះ​គ្នា​នៅ​រាត្រី​នេះ​វិញ ​Virgil van Dijk ​ប្រធាន​ក្រុម​ហុល្លង់ ​បាន​និយាយ​ថា​នឹង​មិន​ងាយ​ស្រួល​ឡើយ​សម្រាប់​ការ​ប៉ះ​អាល្លឺម៉ង់​ក្នុង​ការ​ជម្រុះ Euro ​នេះ។ ត្បិត​តែ​ប៉ុន្មាន​ប្រកួត​កន្លង​មក ​ពួកគេ​ហាក់​ធ្វើ​មិន​បាន​ល្អ​មែន ប៉ុន្លែ​អាល្លឺម៉ង់​នៅ​តែ​ជា​អាល្លឺម៉ង់ ​ជា​ក្រុម​ខ្លាំង​មួយ ​ពោរពេញ​ដោយ​សមត្ថភាព​និង​កីឡាករ​ល្អ​ៗ។ កីឡាករ​លេង​នៅ​ក្លឹប Liverpool ​បង្ហើប​ទៀត​ថា ​ក្រុម​ហុល្លង់​ត្រូវ​គិត​ពី​ខ្លួន​ឯង​វិញ ​មិន​មែន​គិត​ពី​អាល្លឺម៉ង់​ឡើយ៕

ប្រភព៖ BBC

 

 

ភ្ជាប់ទំនាក់ទំនងជាមួយ CTS SPORT