លោក Gareth Southgate គ្រូបង្វឹកក្រុមជម្រើសជាតិអង់គ្លេស ព្រមានសមាជិកចាស់ៗក្នុងក្រុមថា ប្រយ័ត្នយុវជនក្មេងៗដណ្ដើមកៅអីជម្រើសដំបូងអស់ ប្រសិនបើមិនប្រឹងប្រែងហ្វឹកហាត់។យុវជនអង់គ្លេសនាប៉ុន្មានឆ្នាំចុងក្រោយបានបង្ហាញសមត្ថភាពល្អមែនទែន ដែលធ្វើឱ្យគ្រូបង្វឹកក្រុមធំបានកោះហៅចូលឈុតធំជាបន្ដបន្ទាប់។ ជាក់ស្ដែង តាំងពី World Cup និងចប់ World Cup មក ក្រុមអង់គ្លេសមានកីឡាករវ័យក្មេងច្រើនមែនទែន ហើយសុទ្ធសឹងតែលេងបានល្អ ពេញចិត្តអ្នកគាំទ្រ។ ជាក់ស្ដែង Jadon Sancho និង Callum Hudson-Odoi នេះឯង ដែលអ្នកគាំទ្រស្រលាញ់ទម្រង់លេងជាងគេ។
ដោយសារតែកីឡាករវ័យក្មេងដែលកោះហៅមកសុទ្ធតែលេងល្អនេះហើយ ទើបបានជាលោក Southgate បញ្ជាក់ថាក្រុមកីឡាករចាស់ៗនៅក្នុងក្រុមអាចនឹងប្រឈមការមិនបានចូលលេង ប្រសិនណាបើពួកគេមិនខិតខំហ្វឹកហាត់បន្ថែម៕
ប្រភព៖DailyMail