ខ្សែការពារ Sergio Ramos ជាអ្នកទាត់បាល់ប៉េណាល់ទីជួយក្រុមជម្រើសជាតិអេស្ប៉ាញឈ្នះន័រវែស ក្នុងលទ្ធផល ២-១ ក្នុងការប្រកួតជម្រុះ Euro 2020 ។ចំពោះការទាត់ប៉េណាល់ទីរបស់ Ramos នេះដែរ ត្រូវបានអ្នកចាំទី Rune Jarstein របស់ក្រុមន័រវែស និយាយថាខ្លួនដឹងនិងបានប្រាប់មិត្តរួមក្រុមមុនប្រកួតថា បើ Ramos បានបាល់ប៉េណាល់ទី គេនឹងទាត់ក្បាច់នេះទៀត។ ប៉ុន្តែពេលប្រកួតមែនទែន ហើយ Ramos បានទាត់ប៉េណាល់ទី រូបគេបែរជាមិនជឿជាក់លើខ្លួនឯង ហើយចាញ់បញ្ឆោតរបស់ Ramos លោតទៅខាងឆ្វេងទៅវិញ ខណៈដែលប្រធានក្រុមអេស្ប៉ាញនៅតែប្រើក្បាច់ Panenka ដដែល។
គេសង្កេតឃើញថា Ramos ជាខ្សែការពារដែលជំនាញក្នុងការទាត់បាល់ប៉េណាល់ទីនេះខ្លាំងមែនទែន ទាំងនៅក្រុមអាជីព Real Madrid និងជម្រើសជាតិអេស្ប៉ាញ រូបគេជាអ្នកក្តាប់តំណែងអ្នកទាត់ប៉េណាល់ទីនេះឯង៕
ប្រភព៖ DailyMail