ខ្សែប្រយុទ្ធ Olivier Giroud បានរងរបួសក្បាលធ្ងន់ អំឡុងពេលរូបគេលេងទល់ក្រុមអាមេរិក នាប្រកួតមិត្តភាពកាលពីយប់មិញនេះ។
បារាំងបានត្រឹមស្មើជាមួយអាមេរិក ១-១ ប៉ុណ្ណោះ នាប្រកួតមិត្តភាពមុន ពួកគេទៅលេងនៅ World Cup នាប្រទេសរុស្ស៊ី។ ក្នុងការប្រកួតនេះដែរ បានធ្វើឱ្យខ្សែប្រយុទ្ធ Giroud រងរបួសធ្ងន់មែនទែន ឈាមហូរជោគក្បាល និងត្រូវផ្លាស់ប្ដូរចេញភ្លាមៗ ផងដែរ។ ការរងរបួសនេះគឺដោយសារតែរូបគេប៉ះគ្នាជាមួយខ្សែការពារ Matt Miazga របស់អាមេរិក ហើយក៏បែកក្បាលរៀងខ្លួន។
របួសរបស់កីឡាករ Chelsea រូបនេះ មិនទាន់បានដឹងច្បាស់ថាធ្ងន់ប៉ុណ្ណានោះទេ ដោយខាងបារាំងរងចាំលទ្ធផលនៃការត្រួតពិនិត្យសិន។ ប្រសិនបើអ្វីគ្រប់យ៉ាងមិនអាក្រក់ខ្លាំងទេ រូបគេនឹងបានទៅលេងនៅ World Cup តែបើរបួសធ្ងន់អាចនឹងត្រូវដកឈ្មោះចេញពីជម្រើសជាតិបារាំងហើយ៕ប្រភព៖ DailyMail
