ក្រុម Juventus មានគម្រោងនាំយកខ្សែប្រយុទ្ធ Mohamed Salah មកលេងនៅអ៊ីតាលី ដោយឱ្យតម្លៃខ្លួនទៅក្រុម Liverpool ហើយថែមឱ្យកីឡាករ Dybala ម្នាក់ទៀត។
កាលពីខែមុននេះកាសែតនៅអ៊ីតាលីបានបង្ហើបរឿងខាងលើនេះ។ ពួកគេបានចុះផ្សាយថា Juventus ឱ្យតម្លៃខ្លួន Salah នេះ៥០លានអឺរ៉ូ ហើយនឹងថែមខ្សែប្រយុទ្ធ Dybala ឱ្យទៅ Liverpool ថែមទៀត។ ការចង់បានកីឡាករអេហ្ស៊ីបនេះ គឺដោយសារតែក្រុម Juventus ចង់បានខ្សែប្រយុទ្ធមុតស្រួចម្នាក់ទៀត បន្ទាប់ពី Ronaldo ដើម្បីដាក់ជំនួសនៅពេលកីឡាករព័រទុយហ្គាល់មិនអាចចូលលេងបាន។
ស្របពេល Dybala វិញ មួយរយៈចុងក្រោយ រូបគេលេងមិនបានល្អឡើយ ហើយទើបតែមានឱកាសបានចូលលេងជម្រើស១១នាក់ដំបូងប៉ុន្មានប្រកួតនេះប៉ុណ្ណោះ។ ការនាំយក Salah មក Juventus អាចជារឿងល្អបំផុតសម្រាប់ពួកគេ ព្រោះ Salah ជាកីឡាករមានបទពិសោធនៅអ៊ីតាលីស្រាប់។ មុនពេលផ្លាស់ទៅលេងឱ្យ Liverpool នេះ រូបគេលេងឱ្យក្រុម Fiorentina និង Roma ៕ប្រភព៖ Dailymail