• R.Madrid គ្រោង​វ៉ៃ​ចេញ​កីឡាករ​ខ្លួន​មួយ​រូប​ឲ្យ Liverpool ជា​ថ្នូរ​ប្តូរ​យក Mane

    ក្លឹប Rela Madrdi ត្រូវ​បាន​គេ​រាយការណ៍​ថា​កំពុង​ពិចារណា​ផ្តល់​ជូន Raphael Varane សម្រាប់​ក្លឹប Liverpool ដើម្បី​ជា​ផ្នែក​មួយ​លើ​កិច្ចព្រមព្រៀង​នាំ​ចូល Sadio Mane មក​ទឹក​ដី Santiago Bernabeu នា​ទីផ្សារ​ដោះដូរ​ខាង​មុខ​នេះ។

    Varane ដែល​កំពុង​បាត់បង់​ឱកាស​លេង​នៅ​ស្តេច​ស ក៏​រំពឹង​នឹង​ត្រូវ​ដើរ​ចេញ​ពី​ក្លឹប​នា​បិទ​រដូវ​កាល ២០១៨/១៩ នេះ ដោយ​កន្លង​ទៅ​ធ្លាប់​ល្ហិចល្ហៀង​ថា Man Utd ចង់​បាន​ដូច​គ្នា ប៉ុន្តែ​តាម​សារព័ត៌មាន The Guardian បាន​ឲ្យ​ដឹង​ថា​ Madrid អាច​នឹង​ប្រើប្រាស់​កីឡាករ​បារាំង​រូប​នេះ ជា​ថ្នូរ​នាំ​ចូល Sane មក​ជំនួស​វិញ។

    បញ្ជាក់​ថា​ក្រោយ Zinedine Zidane ត្រលប់​មក​ដឹកនាំ លោក​ហាក់​ជ្រួលច្របល់​ខ្លាំង​ក្នុង​ការ​នាំ​យក​កីឡាករ​ថ្មី​មួយ​រូប​មក​ពង្រឹង​នៅ​តំបន់​ប្រយុទ្ធ ដោយ​ក្នុង​នោះ​លោក​ក៏​សម្លឹង​ឃើញ​ថា Mane អាច​នឹង​ធ្វើ​បាន​ល្អ​ជាង Eden Hazard ឬ Christian Eriksen ដែល​ធ្លាប់​ជា​រ៉ាដា​កាល​ពី​ពេល​កន្លង​ទៅ។

    រំឭក​ថា Varane បាន​ចូលរួម​ជាមួយ Madrid នៅ​ឆ្នាំ ២០១១ ដោយ​បង្ហាញ​ខ្លួន​ច្រើន​ជាង ២៥០ លើក​ហើយ​សម្រាប់​ការ​ប្រកួត​ទាំង​ក្នុង​និង​ក្រៅ​ក្របខ័ណ្ឌ។ ប្រភព: AllFootball​

    ភ្ជាប់ទំនាក់ទំនងជាមួយ CTS SPORT