ក្រុម FC Barcelona បានដាក់លក់សំបុត្រឱ្យក្រុមអ្នកគាំទ្រ Manchester United ថ្លៃរហូតដល់១០២ផោនក្នុង១សំបុត្រ ដែលនេះជាតម្លៃថ្លៃបំផុតមួយក្នុងប្រវត្តិសាស្ត្ររបស់បិសាចក្រហម។
កត្តាលក់ថ្លៃនេះដែរ បានធ្វើឱ្យក្រុម Man Utd វិញ ក៏ដាក់តម្លៃនេះដូចគ្នាសម្រាប់ក្រុមអ្នកគាំទ្រអ្នកមានបុណ្យដែលមានបំណងចង់ចូលមើលការប្រកួតនៅទឹកដី Old Trafford ។ តម្លៃនេះដែរ ត្រូវបានក្លឹបបិសាចក្រហមបញ្ជាក់ថានឹងយកប្រាក់ដែលលក់សំបុត្របាននេះ ទៅជួយអ្នកគាំទ្ររបស់ខ្លួនទិញចូលមើលនៅទឹកដី Camp Nou វិញ។ ដោយនេះជាវិធីសាស្ត្រមួយ ធ្វើឱ្យអ្នកគាំទ្រអាចទៅមើលនិងគាំទ្រក្រុមនៅក្រៅដីបាន។
រំលឹកថាការប្រកួត UEFA Champions League រវាងក្រុមទាំងពីរ ជើងទី១ធ្វើឡើងនៅទឹកដី Old Trafford នៅថ្ងៃទី១១ខែមេសា ហើយជើងទី២វិញ ធ្វើឡើងនៅថ្ងៃទី១៧ខែមេសាឆ្នាំ២០១៩ខាងមុខនេះ៕ប្រភព៖ Dailymail