• ដំណឹង​ថ្មី Real Madrid ​ត្រូវ​ចំណាយ​៣០៧​លាន​ផោន ​ទើប​អាច​ទិញ Neymar ​បាន

    ក្លឹប Real Madrid ​ត្រូវ​ចំណាយ​ ៣០៧​លាន​ផោន ​ទើប​អាច​ទិញ​យក​កីឡាករ Neymar ​ពី​ក្លឹប PSG ​បាន​នៅ​រដូវ​ក្ដៅ​ខាង​មុខ​នេះ។

    ប្រភព​ពី​បារាំង​មក​បាន​បញ្ជាក់​ថា ​ប្រសិន​បើ Real Madrid ​នៅ​តែ​ចង់​បាន Neymar ​ទៀត នោះ​ពួកគេ​ត្រូវ​ចំណាយ​យ៉ាង​តិច​៣០៧​លាន​ផោន​ឯ​ណោះ ​ទើប​អាច​ទិញ​ផ្ដាច់​តម្លៃ​កុងត្រា​របស់​កីឡាករ​រូប​នេះ​នៅ PSG ​បាន។ តម្លៃ​នេះ គឺ​ទិញ​ផ្ដាច់​កុងត្រា​ត្រឹម​រដូវ​ក្ដៅ​នេះ​តែ​ម្ដង ​យ៉ាងណាមិញ​ប្រសិន​បើ Real Madrid ​ចង់​បាន​កីឡាករ​ប្រេស៊ីល ​ឱ្យ​ថោក​ជាង​នេះ​បន្តិច​នោះ ត្រូវ​រង់​ចាំ​ឱ្យ​ដល់​រដូវកាល​បន្ទាប់​ទៀត ​ដើម្បី​ឱ្យ​រយៈ​ពេល​នៃ​កុងត្រា​របស់ Neymar ​នៅ PSG ​សល់​តិច​សិន។

    កីឡាករ​វ័យ​២៦​ឆ្នាំ​ខាង​លើ​នេះ ​ត្រូវ​បាន PSG ​ទិញ​ពី Barcelona ​ក្នុង​តម្លៃ​ខ្លួន​២២២​លាន​អឺរ៉ូ ​មាន​កុងត្រា​រហូត​ដល់​ឆ្នាំ​២០២២។ យ៉ាងណាមិញ ​រដូវ​កាល​ដំបូង​របស់​ខ្លួន រូបគេ​បង្ហាញ​ខ្លួន​បាន​ត្រឹម​២០​ប្រកួត​ប៉ុណ្ណោះ ប៉ុន្តែ​រក​បាន​ដល់​១៩​គ្រាប់ ​ហើយ​ក៏​របួស​តាំង​ពី​ខែ​កុម្ភៈ​មក​រហូត ​ដល់​ចប់​រដូវ​កាល។ ត្បិត​តែ​យ៉ាង​នេះ​ក្ដី ​រូបគេ​ក៏​បាន​ជាប់​ឈ្មោះ​ជា​កីឡាករ​ល្អ​ជាង​គេ​នៅ​លីគ​បារាំង​នា​រដូវ​កាល​មុន​នេះ​ផង​ដែរ៕ប្រភព៖ THESUN

    ភ្ជាប់ទំនាក់ទំនងជាមួយ CTS SPORT