Man Utd ​ចង់​បាន Coutinho ​ពី Barca ​ទាល់​តែ​ហ៊ាន​ចំណាយ​១០០​លាន​អឺរ៉ូ

ក្រុម FC Barcelona ​បាន​ដាក់​តម្លៃ​លក់​ខ្សែ​បម្រើ​ប្រយុទ្ធ​ Philippe Coutinho ​១០០​លាន​អឺរ៉ូ ​ប្រសិន​ណា​បើ​ក្រុម Manchester United ​ចង់​បាន​រូបគេ​ទៅ​រួម​ក្រុម។

Coutinho ​លេង​មិន​ល្អ​តាម​ការ​គ្រោង​ទុក​របស់​ក្រុម FC Barcelona ​ឡើយ ​បើ​ទោះ​ជា​រូបគេ​បាន​លេង​ញឹកញាប់ ប៉ុន្តែ​នៅ​តែ​ទទួល​រង​ការ​រិះគន់​ដដែល។ ទើប​តែ​ទៅ​លេង​នៅ​អេស្ប៉ាញ​បាន​១​រដូវ​កាល​ប៉ុណ្ណោះ ពេល​នេះ​ស្រាប់​តែ​មាន​ដំណឹង​ថា​ក្រុម Man Utd ​កំពុង​ទាក់ទង​ទិញ​រូបគេ​ត្រលប់​ទៅ​អង់គ្លេស​វិញ​ហើយ ​ក្រោយ​ពី​ក្រុម​អ្នក​មាន​បុណ្យ​ក៏​មាន​បំណង​ចង់​លក់​ចេញ​ដែរ​នោះ។

ប្រភព​នៅ​អេស្ប៉ាញ​បញ្ជាក់​ថា​តម្លៃ​លក់​ចេញ​ដែល​ក្រុម Barca ​នឹង​យល់​ព្រម​នោះ គឺ​១០០​លាន​អឺរ៉ូ។ ដូច្នេះ​ហើយ​បើ​សិន​ជា​ក្រុម​បិសាច​ក្រហម​ហាន​ឱ្យ​ដល់​ថ្លៃ​នេះ​មែន ​នោះ​ពួកគេ​នឹង​បាន​កីឡាករ​ប្រេស៊ីល​រូប​នេះ​ទៅ​រួម​ក្រុម​មិន​ខាន នា​រដូវ​កាល​ក្រោយ៕

ភ្ជាប់ទំនាក់ទំនងជាមួយ CTS SPORT