ខ្សែប្រយុទ្ធ Cristiano Ronaldo អាចនឹងជាប់ពិន័យមិនបានចូលលេងទល់ក្រុម Ajax ឡើយ ក្រោយពី UEFA គម្រោងដាក់ពិន័យរូបគេចំពោះក្បាច់អបអរគ្រាប់បាល់របស់ខ្លួន។
Ronaldo បានអបអរក្បាច់ពិសេស តាមអ្នកចាត់ការ Simeone ក្នុងការប្រកួតទល់ក្រុម Atletico Madrid កន្លងទៅ គ្រាដែលរូបគេស៊ុតបាន៣គ្រាប់ម្នាក់ឯង។ ចំពោះរឿងក្បាច់អបអរឌឺដងនេះ ត្រូវបាន UEFA កំពុងពិនិត្យហើយ ប្រសិនបើរកឃើញថាពិតជាមានចេតនាមែន នោះនឹងត្រូវពិន័យមិនបានលេងទល់ក្រុម Ajax ឡើយ នៅវគ្គ៨ក្រុមចុងក្រោយនេះ។
និយាយពីរឿងអបអរនេះ កាលលោក Simeone ធ្វើនោះ ត្រូវបាន UEFA ពិន័យត្រឹមជាប្រាក់ប៉ុណ្ណោះ ចំនួន១៧ ០០០ផោន ប៉ុន្តែមិនបានជាប់ពិន័យមិនអាចបញ្ជាកូនក្រុមបានឡើយ៕ប្រភព៖ Dailymail