យោងតាមសារព័ត៌មាន Mirror របស់អង់គ្លេសបានចុះផ្សាយថាលោក Zinedine Zidane ដែលជាអ្នកចាត់ការថ្មីរបស់ក្លឹប Real Madrid កំពុងសម្លឹងឃើញខ្សែប្រយុទ្ធស្លាប Raheem Sterling ជាផ្នែកមួយក្នុងការយកមកកសាងប្រព័ន្ធលេងសារជាថ្មី នៃកញ្ចប់ថវិកា ៣០០ លានអឺរ៉ូ។
Sterling ជើងល្បឿនដែលបង្ហាញទម្រង់លេងបានល្អមិនចាញ់តារាឆ្នើមកំពូលឯទៀតនោះ ត្រូវបានកំណត់តម្លៃប្រមាណ ១០០ លានផោន ដោយវាពុំមែនជាបញ្ហារាំងស្ទះសម្រាប់ការចង់បានរបស់ Zidane ឡើយ។
ប៉ុន្តែអ្វីដែលជាបញ្ហាចំពោះមុខគឺបុរសវ័យ ២៤ ឆ្នាំកន្លងទៅក៏ទើបតែបន្ថែមកុងត្រាថ្មីជាមួយ Man City កាលពីខែវិច្ឆិកា ដល់ឆ្នាំ ២០២៣ ជាមួយតម្លៃពលកម្មប្រមាណ ៣០០ ០០០ ផោនក្នុងមួយសប្តាហ៍។ បែបនេះការចរចាអាចនឹងពិបាកធ្វើទៅបានបន្តិច តែប្រសិនណា Madrid ដាក់ចិត្តចង់បានហើយនោះ អភូតហេតុខ្លះវាអាចនឹងកើតឡើងក៏ថាបាន។ ប្រភព: Mirror