សហព័ន្ធកីឡាបាល់ទាត់ UEFA នឹងជួបប្រជុំតំណាងក្លឹបនិងថ្នាក់ដឹកនាំមកពីបណ្ដាលីគធំៗនៅអឺរ៉ុប នាប្រទេសស្វីស ដើម្បីពិភាក្សាពីការលើកការប្រកួតពីពាក់កណ្ដាលសប្ដាហ៍ មកលេងនៅចុងសប្ដាហ៍វិញ។មិនត្រឹមតែប៉ុណ្ណឹងទេ ការប្រជុំនោះដែរ ក៏មានក្លឹបមួយចំនួនទៀតនៅតាមបណ្ដាក្លឹបនានា មកចូលរួមផងដែរ។ គេដឹងថាមិនត្រឹមតែការលើកពេលប្រកួតនោះទេ ខាង UEFA កំពុងតែរៀបចំឱ្យមានការប្រកួតលីគកម្រិតក្រោម១ទៀត សម្រាប់ក្រុមមួយចំនួនដែលមិនបានលេងពានធំ UEFA Champions League និង Europa League ផងដែរ។
និយាយពីការលើពេលប្រកួតនោះទេ គឺខាង UEFA កំពុងចរចាទៅលើការផ្សព្វផ្សាយនានា ជាពិសេសលក់សិទ្ធិផ្សាយផ្ទាល់តែម្ដង។ ប្រសិនបើអាចលើកទៅចុងសប្ដាហ៍បានមែន នោះសិទ្ធិនៃការលក់នឹងទទួលបានថ្លៃជាងមុន ហើយប្រាក់រង្វាន់វិញក៏នឹងតំឡើងឱ្យច្រើនជាងមុនផងដែរ។ ប្រសិនបើមិនមានអ្វីប្រែប្រួលទេ ការប្រកាសជាផ្លូវការនៃការលើកពេលប្រកួតមកសប្ដាហ៍នេះ នឹងធ្វើឡើងនៅឆ្នាំ២០២៤ខាងមុខ៕
ប្រភព៖ DailyMail
