Harry Kane បានយល់ព្រមតកុងត្រាជាមួយក្លឹប Spurs ៦ឆ្នាំទៀត ក្រោយពីទទួលបានប្រាក់ឈ្នួលគុណនឹង២ ក្នុងកុងត្រាថ្មីនោះ។
ក្រោយពីប្រកាសតកុងត្រាដល់លោក Mauricio Pochettino អ្នកចាត់ការឱ្យដឹកនាំ៥ឆ្នាំទៀត ពេលនេះក្រុម Spurs បានប្រកាសទៀតថាពួកគេបានបន្ដកុងត្រាដល់ Kane ៦ឆ្នាំទៅមុខទៀតហើយ។ ដោយកុងត្រាថ្មីនេះ មានតម្លៃទិញផ្ដាច់កុងត្រា៩០លានផោនឯណោះ បូកជាមួយប្រាក់ឈ្នួលគុណនឹង២ អាចបានដល់២សែនផោនក្នុង១សប្ដាហ៍។
ប្រធានក្រុមជម្រើសជាតិអង់គ្លេសបាននិយាយក្រោយតកុងត្រាថា៖ “ខ្ញុំសប្បាយចិត្តជាមួយការតកុងត្រានេះ។ ខ្ញុំកំពុងមើលទៅអនាគត មើលទៅកីឡដ្ឋានថ្មីរបស់យើង។ យើងនឹងព្យាយាមបន្ដទៀត ដើម្បីសម្រេចគោលបំណងថ្ងៃអនាគត”។ Kane ក្រៅពីបានប្រាក់ឈ្នួលច្រើនហើយ រូបគេនៅមាន bonus ថែមទៀត ទៅលើការប្រកួតណាដែលរូបគេអាចរកគ្រាប់បាល់បាន និងជួយក្រុមទទួលជ័យជម្នះ៕ប្រភព៖ DailyMail
