លោក Pep Guardiola បញ្ជាក់ថាការងាររបស់លោកនៅក្រុម Manchester City នឹងចាត់ថាបរាជ័យ ប្រសិនបើមិនអាចនាំក្រុមនេះឈ្នះពានរង្វាន់ UEFA Champions League បានទេនោះ។
ក្រុម Man City បានឡើងដល់វគ្គ៨ក្រុមចុងក្រោយ ហើយនឹងប៉ះក្រុម Spurs នៅវគ្គនេះផងដែរ ដើម្បី ប្រជែងកៅអីឡើងទៅវគ្គពាក់កណ្ដាលផ្ដាច់ព្រ័ត្រ។ ការប្រកួតនៅរដូវកាលនេះ លោក Pep មិនរំពឹងថានឹងបានឈ្នះពានអ្វីទេ ប៉ុន្តែនៅថ្ងៃអនាគតលោករំពឹងថានឹងសម្រេចការងារនេះបាន។ ការបញ្ជាក់យ៉ាងដូច្នេះ គឺដោយសារតែមានអ្នកគាំទ្រជាច្រើនគិតថាលោកត្រូវតែឈ្នះ UCL ឱ្យបានទើបសម្រេចថានឹងជោគជ័យក្នុងអាជីព។
សាមីខ្លួនលោក Pep ក៏ដឹងរឿងខាងលើនេះដែរ។ លោកបានបញ្ជាក់ថា៖ អ្នកគាំទ្រតែងចង់ឃើញ Man City លើកពាន UCL ជាងគេ ព្រោះជាប្រវត្តិមួយប្រសិនបើអាចធ្វើបាន។ នៅ Bayern Munich ខ្ញុំមិនអាចឈ្នះវាបាន ហើយវាក៏ជាការដឹកនាំមិនល្អរបស់ខ្ញុំដែរ។ ដូច្នេះហើយនៅ Man City បើខ្ញុំធ្វើមិនបាន ក៏ចាត់ទុកថាមិនជោគជ័យដែរ៕ប្រភព៖ Dailymail
