អ្នកចាត់ការបណ្ដោះអាសន្ន Solskjaer បញ្ជាក់ថាខ្លួនសប្បាយចិត្តដែលក្រុម Man Utd បានចាប់ឆ្នោតប៉ះ Barcelona នៅវគ្គ៨ក្រុមចុងក្រោយ UEFA Champions League ។
បន្ទាប់ពីការចាប់ឆ្នោតម្សិលមិញនេះ នៅវគ្គ៨ក្រុមចុងក្រោយគឺក្រុម Juventus ប៉ះ Ajax ក្រុម Man City ប៉ះ Spurs ក្រុម Liverpool ប៉ះ Porto និងក្រុម Man Utd ប៉ះ Barcelona ។ គេសង្កេតឃើញថាក្រុមដែលស្វិតស្វាញជាងគេក្នុងការចាប់ឆ្នោត និងគេចាប់អារម្មណ៍ខ្លាំងនោះ គឺបិសាចក្រហមប៉ះក្រុមអ្នកមានបុណ្យនេះឯង។
លោក Solskjaer បានបង្ហាញចំណាប់អារម្មណ៍ចំពោះរឿងក្រុមរបស់ខ្លួនប៉ះក្រុមខ្លាំងនេះថា៖ “ខ្ញុំសប្បាយចិត្ត ហើយអ្នកគាំទ្រក៏ចង់ឃើញការប្រកួតមួយនេះដែរ។ យើងនឹងទៅលេងនៅ Camp Nou ម្ដងទៀត ជាមួយស្នាមញញឹមដែលក្រុម Man Utd ធ្លាប់ធ្វើកន្លងមក។ ពួកគេជាក្រុមខ្លាំង ប៉ុន្តែខ្ញុំសប្បាយចិត្តដែលយើងបានប៉ះក្រុមខ្លាំង ដើម្បីបង្ហាញថាយើងក៏អាចលេងជាមួយពួកគេបានដែរ”។
នៅជើងទី១ រវាងក្រុមទាំងពីរនឹងធ្វើឡើងនៅថ្ងៃទី១០ខែមេសាឆ្នាំ២០១៩ខាងមុខនេះ នៅទឹកដី Old Trafford មុនធ្វើដំណើរទៅលេងជើងទី២នៅអេស្ប៉ាញវិញនៅថ្ងៃទី១៦ខែមេសាឆ្នាំ២០១៩៕ប្រភព៖ Dailymail