Zidane ដែលទើបតែប្រកាសមកធ្វើជាអ្នកចាត់ការថ្មី Real Madrid ម្ដងទៀតនោះ បានទិញយកខ្សែការពារម្នាក់ហើយ គឺ Eder Militao ពីក្រុម Porto ក្នុងតម្លៃ៤៣លានផោន។
Zidane ចូលដឹកនាំក្រុម Real Madrid វិញ ក្រោយពីលោក Santiago Solari ត្រូវក្លឹបបណ្ដេញចេញ។ ការមកដឹកនាំក្រុមវិញនេះ បុរសសញ្ជាតិបារាំងបញ្ជាក់ថានឹងកសាងក្រុមឱ្យល្អឡើងវិញ នារដូវកាលក្រោយ។ ជាក់ស្ដែងមិនទាន់បានប៉ុន្មានផង ពេលក្រុម Real Madrid នាំយកកីឡាករថ្មីម្នាក់មកហើយ គឺ Eder វ័យ២១ឆ្នាំសញ្ជាតិប្រេស៊ីល តម្លៃដល់៤៣លានផោនឯណោះ។
ការប្រកាសនេះដែរ គឺក្រុម Real Madrid នឹងទទួលបានកីឡាករថ្មីរបស់ខ្លួននាខែមិថុនាខាងមុខ ដើម្បីមកបំពេញចន្លោះប្រហោងនៅតំបន់ខ្សែការពារកណ្ដាល។ ជាពិសេសនៅពេលអវត្តមានប្រធានក្រុម Sergio Ramos តែម្ដង។ កីឡាករប្រេស៊ីលខាងលើមានកុងត្រាជាមួយក្រុម Real Madrid រហូតដល់ឆ្នាំ២០២៥ឯណោះ៕ប្រភព៖ Dailymail