កីឡាករ Man City ​មិន​ចង់​ជួប Ronaldo ​នៅ​វគ្គ​៨​ក្រុម​ចុង​ក្រោយ UCL ​ទេ​

Bernardo Silva ​មិន​ចង់​ឃើញ​ក្រុម Manchester City ​ចាប់​គូ​ប៉ះ​ក្រុម Juventus ​ឡើយ ​នៅ​វគ្គ​៨​ក្រុម​ចុង​ក្រោយ UEFA Champions League ​ព្រោះ​តែ Cristiano Ronaldo ។

Ronaldo ​ដែល​ស៊ុត​បាន​៣​គ្រាប់​ម្នាក់​ឯង ​ជួយ​ក្រុម Juventus ​ឈ្នះ Atletico Madrid ​៣-០ ​មាន​ឱកាស​ឡើង​ទៅ​​វគ្គ​៨​ក្រុម​ចុង​ក្រោយ UEFA Champions League ​នោះ ​កំពុង​តែ​ធ្វើ​ឱ្យ​ក្រុម​ដទៃ​ទៀត​ដែល​បាន​ឡើង​ដល់​វគ្គ​នេះ​ដែរ ​បារម្ភ​ហើយ។ ជាក់​ស្ដែង Silva ​កីឡាករ​របស់ Man City ​បាន​ចេញ​មុខ​មុន​គេ​ថា ​ខ្លួន​មិន​ទាន់​ចង់​ជួប Juventus ​នៅ​វគ្គ​៨​ក្រុម​ចុង​ក្រោយ​នេះ​ទេ។

មូលហេតុ​ដែល​កីឡាករ​ទើប​ត​កុងត្រា​នៅ Man City ​ដល់​ឆ្នាំ ២០២៥ ​មិន​ចង់​ជួប Ronaldo ​គឺ​ដោយសារ​តែ​រូបគេ​ជា​មិត្ត​រួម​ក្រុម​នៅ​ជម្រើស​ជាតិ​ព័រទុយហ្គាល់​ជាមួយ​គ្នា។ រូបគេ​ដឹង​ថា Ronaldo ​ជា​កីឡាករ​យ៉ាង​មិច​ ​ហើយ​ការ​តាំង​ចិត្ត​របស់​គេ​ក៏​ខ្លាំង​ជាង​កីឡាករ​ដទៃ​ដែរ ជា​ពិសេស​ការ​ប្រកួត​សំខាន់​ៗ​តែ​ម្ដង។ Silva ​បាន​បន្ថែម​ថា៖ “គ្មាន​ការ​សង្ស័យ​អ្វី​ទៀត​ទេ ​អ្វី​ដែល Ronaldo ​បាន​ធ្វើ​១៥​ឆ្នាំ​មក​នេះ បាន​បញ្ជាក់​ច្បាស់​ថា​រូបគេ​ជា​កីឡាករ​ល្អ​ជាង​គេ​នៅ​លើ​លោក​នេះ​ហើយ”៕ប្រភព៖ Theguardian

 

Monaco’s Portuguese midfielder Bernardo Silva speaks during a press conference in Monaco on March 14, 2017, on the eve of their UEFA Champions League football match against Manchester City. / AFP PHOTO / VALERY HACHE (Photo credit should read VALERY HACHE/AFP/Getty Images)

ភ្ជាប់ទំនាក់ទំនងជាមួយ CTS SPORT