Antoine Griezmann ខ្សែប្រយុទ្ធក្រុម Atletico Madrid មើលឃើញថាក្រុម Juventus ល្អទាំងព្រមតែម្ដងក្នុងការប្រកួតយប់មិញ ទើបបានជាពួកគេយកឈ្នះបានដល់ ៣-០។
Griezmann ជាកីឡាកររងការឈឺចាប់ច្រើនលើកមកហើយ ក្រោមថ្វីជើងរបស់ Ronaldo នេះឯង។ ខណៈដែលយប់នេះនេះដែរ កីឡាករបារាំងរូបនេះបាននិយាយថា៖ “យើងមិនបានលេងដូចអ្វីដែលយើងចង់បានទេ វាជារាត្រីក៏អាក្រក់មួយ ហើយយើងបានបង្កើតភាពងាយស្រួលដល់ Juventus ។ ខ្ញុំជាអ្នកនិយាយខ្លួនឯងថា ខ្ញុំលេងមិនល្អសោះយប់មិញ ហើយ Juventus វិញ គេមានកីឡាករល្អ លេងល្អគ្រប់តំបន់ទាំងអស់”។
Atletico Madrid ធ្លាក់ចេញពីពានរង្វាន់ UEFA Champions League នេះនៅឆ្នាំ២០១៧កន្លងទៅ ក៏ដោយសារតែវត្តមានរបស់ Ronaldo ផងដែរ ដោយកាលនោះកីឡាករព័រទុយហ្គាល់ក៏ជាអ្នករកបាន៣គ្រាប់ម្នាក់ឯង ដូចប្រកួតយប់មិញ។ និយាយទៅ ការប្រកួតដែលមានភាពតាន់តឹង ភាគច្រើនវត្តមានរបស់ Ronaldo តែងតែជួយក្រុមបានជានិច្ច ដែលធ្វើឱ្យអ្នកគាំទ្រសប្បាយចិត្តយ៉ាងខ្លាំង។
បុរសវ័យ៣៤ឆ្នាំបាននិយាយដែរថា Juventus ទិញខ្លួនមកពី Real Madrid ក្នុងតម្លៃ១០០លានផោន គឺដើម្បីបង្កើតរឿងដ៏អស្ចារ្យនេះឯង៕ប្រភព៖ Dailymail