Ronaldo បានក្លាយជាវីរបុរសជួយក្រុម Juventus ឡើងវគ្គ៨ក្រុម Champions League ក្រោយរកបាន៣គ្រាប់ម្នាក់ឯង ទម្លាក់ Atletico Madrid បាននៅជើងទី២ សរុបទាំងពីរជើង ឈ្នះ ៣-២។
ក្រោយពីចប់ការប្រកួតនោះទៅ អតីតកីឡាករ Real Madrid ខាងលើបាននិយាយដូច្នេះថា៖ “វាជាយប់ពិសេសណាស់មិនមែនសម្រាប់តែខ្ញុំទេ ប៉ុន្តែសម្រាប់ក្រុមទាំងមូល។ នេះជាអ្វីដែលអ្នកត្រូវធ្វើនៅ Champions League ហើយយើងធ្វើវាបានហើយ។ ការសម្រេចរបស់ខ្ញុំ គឺជាអ្វីដែល Juventus ចង់បាន និងហ៊ានខ្ញុំមក។ ពួកគេចង់បានរាត្រីដូច្នេះ”។
ទាក់ទងនឹងពានរង្វាន់នេះវិញ កីឡាករវ័យ៣៤ឆ្នាំមិនទាន់ហ៊ាននិយាយថាដល់វគ្គផ្ដាច់ព្រ័ត្រនោះទេ ត្បិតអីក្រុមដទៃទៀតក៏ខ្លាំងដែរ។ Ronaldo គ្រាន់តែបញ្ជាក់ថានឹងធ្វើតាមជំហាន ដើម្បីឡើងទៅវគ្គបន្ដបន្ទាប់។ Hat-trick យប់មិញ គឺជាធ្វើបានលើកទី៨ហើយរបស់ Ronaldo នៅ UCL ហើយវាក៏ស្មើនឹងកំណត់ត្រារបស់ Lionel Messi ផងដែរ៕ប្រភព៖ Dailymail