ខូច​ចិត្ត​សារ​ជា​ថ្មី! Ronaldo ស៊ុត Hat-Trick ទម្លាក់ Atletico Madrid ត្រឹម​វគ្គ ១៦ ​ក្រុម UCL

ក្លឹប Juventus បាន​វាយបក​យក​ឈ្នះ​លើ Atletico នៅ​លទ្ធផល ៣-០ នៅ​ជើង​ទី ២ បន្ទាប់​ពី Cristiano Ronaldo ស៊ុត Hat-Trick បំបែក​ប្រវត្តិសាស្រ្ត​ជ័យជម្នះ​ដ៏​អស្ចារ្យ។

​កក្រើក​កីឡដ្ឋាន Juventus Stadium ​ក្រោម​ក្រសែ​ភ្នែក​អ្នក​គាំទ្រ​រាប់​មុឺន​នាក់ ក្រុម​សេះ​បង្កង់​មាន​ឱកាស​ស៊ុត​ ១៦ លើក​ ចំ​គោលដៅ ៤ លើក គ្រប់គ្រង​បាល់ ៦៣ ភាគរយ ធៀប​នឹង​ក្រុម​ភ្ញៀវ Atletico ស៊ុត​បាន​ត្រឹម ៥ លើក មិន​ចំ​គោលដៅ​សោះ ខណៈ​ការ​គ្រប់គ្រង​បាល់​មាន ៣៧ ភាគរយ។

គ្រាប់​បាល់​ដំបូង​របស់ Cristiano បាន​កើត​ឡើង​នៅ​នាទី ២៧ និង​បន្ថែម​មួយ​ទៀត​នៅ​តង់​ទី​ពីរ​នាទី ៤៩ តាមរយៈការតែតបញ្ចូលទី មុន​មាន​ឱកាស​ស៊ុត​បាល់​ពិន័យ ១១ ម៉ែត្រ​នៅ​នាទី ៨៦ បញ្ចប់​យក​គ្រាប់​បាល់ Hat-Trick ទល់​ក្លឹប Atletico Madrid សារ​ជា​ថ្មី។

ទស្សនាវីដេអូខាងក្រោម៖

សរុប​រួម​បច្ចុប្បន្ន​យើង​មាន ៦ ក្រុម​នៃ​កៅអី​ទាំង ៨ ដែល​ត្រូវ​ឆ្ពោះ​ទៅ​វគ្គ​បន្ត ដោយ​រួម​មាន Tottenham, Ajax, Porto, Man Utd, Man City, Juventus ដោយ​រង់ចាំ​អុត​មើល​រវាង Barca/Lyon និង Bayern/Liverpool ពីរ​គូ​ផ្សេង​ទៀត។

ភ្ជាប់ទំនាក់ទំនងជាមួយ CTS SPORT