អ្នកវាយក្នុងក្រុង Conor McGregor ត្រូវបានប៉ូលិសនៅ Maimi ឃាត់ខ្លួន ក្រោយពីរូបគេបានយកទូរសព្ទរបស់អ្នកគាំទ្របោះចោល អំឡុងពេលអ្នកគាំទ្រព្យាយាមសុំថត Selfie ។
អ្នកគាំទ្រម្នាក់បានដើរចេញពីសណ្ឋាគារ Fontainebleau ជាមួយនឹង Conor McGregor ដែរ ហើយរូបគេក៏បានសុំអ្នកប្រដាល់ក្នុងទ្រុងល្បីឈ្មោះខាងលើថត Selfie ជាមួយគ្នា ប៉ុន្តែត្រូវ Conor ប្រកែក។ មិនត្រឹមតែប្រកែកនោះទេ រូបគេបានយកទូរសព្ទរបស់អ្នកគាំទ្រម្នាក់នោះ បោះចោល និងជាន់ជាច្រើនជើងហើយរើសកាន់យកទៅថែមទៀត។ ប៉ូលិសបានបញ្ជាក់ទៀតថាតម្លៃទូរសព្ទនោះប្រមាណជា១ពាន់ដុល្លារ ហើយអ្នកគាំទ្រក៏បានដាក់ពាក្យប្ដឹងពីបទហិង្សា និងលួចរបស់។
Conor ដែលកំពុងជាប់ពិន័យ UFC ៦ខែ នឹងត្រូវពិន័យជាប្រាក់ចំពោះអំពើរបស់គេនេះ និងធ្វើកិច្ចសន្យាមិនឱ្យមានរឿងខាងលើកើតឡើងទៀតផងដែរ។ នេះមិនមែនជាលើកទី១សម្រាប់អ្នកវាយក្នុងទ្រុងនេះឡើយ ដោយកាលពីលើកមុនរូបគេក៏មានរឿងស្រដៀងនេះដែរនៅកន្លែងកម្សាន្ត១កន្លែង៕ប្រភព៖ Edition