• Neville៖ Man Utd ​ត្រូវ​ចំណាយ​២៥០​លាន​ផោន ​ទើប​ប្រដេញ​ពាន​បាន

    Gary Neville ​ផ្ដល់​យោបល់​ថា​ក្រុម​បិសាច​ក្រហម Manchester United ​ត្រូវ​ការ​ចំណាយ​ប្រមាណ​ជា​២៥០​លាន​ផោន​ទៀត ដើម្បី​ទិញ​កីឡាករ​ថ្មី​៥​នាក់ ទើប​អាច​ប្រជែង​ពាន​រង្វាន់​បាន​រដូវ​កាល​ក្រោយ។Man Utd ​ក្រោម​ការ​ដឹក​នាំ​របស់​លោក Solskjaer ​ទើប​តែ​ស្គាល់​បរាជ័យ​ក្នុង​លីគ​ក្រោម​ថ្វី​ជើង​ជើង Arsenal ​១-០ ​កាល​ពី​យប់មិញ​នេះ​ទេ។ ​ក្រោយ​ពី​បរាជ័យ​នោះ​មក អ្នក​ចាត់ការ​បណ្ដោះអាសន្ន​ដែល​ដឹក​នាំ​ក្រុម​បាន​ល្អ​​បំផុត​រូប​នេះ ​បាន​ចាត់​ទុក​វា​ជា​ការ​ដឹក​នាំ​ក្រុម​អន់​បំផុត​មួយ​របស់​ខ្លួន។ បើ​ទោះ​ជា​អ្នក​គាំទ្រ​ជា​ច្រើន​មើល​ឃើញ​ហេតុផល​ផ្សេង ​ថា​កីឡាករ​របួស​ច្រើន​ក៏​ដោយ។

    លោកGary Neville ​ដែល​ជា​អ្នក​វិភាគ ​និង​ជា​អតីត​កីឡាករ Man Utd ​ផង​នោះ ​បាន​ផ្ដល់​យោបល់​ថា Man Utd ​ក្រោម​ការ​ដឹក​នាំ​របស់​លោក Solskjaer ​ធ្វើ​បាន​ប៉ុណ្ណឹង​គឺ​ល្អ​បំផុត​ហើយ។ ប៉ុន្តែ​បើ​ចង់​ឱ្យ​ក្រុម​ឈ្នះ​ពាន​រង្វាន់​ឬ​ប្រជែង​ជាមួយ​ក្រុម​ដទៃ​សម្រាប់​លីគ​កំពូល​អង់គ្លេស​នោះ ​ត្រូវ​ចំណាយ​យ៉ាង​តិច​២៥០​លាន​ផោន​ទៀត ​ដើម្បី​ទិញ​កីឡាករ​៥​នាក់​ចូល។ ​៥​នាក់​នោះ ​គឺ​ខ្សែ​ការពារ​៣​នាក់ បម្រើ​កណ្ដាល​ម្នាក់ ​និង​ប្រយុទ្ធ​មុត​ស្រួច​ម្នាក់​ទៀត៕ប្រភព៖ Dailymail

    ភ្ជាប់ទំនាក់ទំនងជាមួយ CTS SPORT