Van Dijk ល្អ​ហើយ តែ Ferdinand ឆ្លើយកាត់​ភ្លែត​ខ្សែ​ការពារ​រូប​នេះ​ទើប​ល្អ​បំផុត​ក្នុង​លោក

Rio Ferdinand ដែល​ធ្លាប់​ជា​អតីត​ជើង​ឆ្នើម​មួយ​រូបនៅ​ក្របខ័ណ្ឌ​ Premier League បាន​បង្ហាញ​ការ​យល់​ឃើញ​ពី​ខ្សែ​ការពារ​កណ្តាល​មួយ​រូប​ដែល​លោក​គិត​ថា​កំពុង​បង្ហាញ​ទម្រង់​លេង​ល្អ​បំផុត​នា​ពេល​បច្ចុប្បន្ន​នេះ។

ប្រាប់​សារព័ត៌មាន The Mirror របស់​អង់គ្លេស អតីត​កីឡាករ​នៅ​បិសាច​ក្រហម​ក៏​បាន​សរសើរ​ដល់ Virgil van Dijk ប៉ុន្តែ​បើ​និយាយ​ពី​អ្នក​ល្អ​បំផុត​ក្នុង​លោកនោះ​គឺ​ជា​ប្រធាន​ក្រុម Real Madrid កីឡាករ Sergio Ramos។

លោក​បាន​បញ្ជាក់​ប្រាប់​សារព័ត៌មាន​ដូច្នោះ​ថា៖ “ខ្ញុំ​នៅ​តែ​ដាក់ Ramos ជា​អ្នក​ទី​មួយ ដោយ Virgil ក៏​ជា​កីឡាករ​ឆ្នើម​ម្នាក់ មាន​សក្ដានុពល​អាច​ក្លាយ​ជា​កីឡាករ​ល្អ​ក្នុង​លោក ប៉ុន្តែ​បើ​គិត​ត្រឹម​ពេល​បច្ចុប្បន្ន​គឺ​គេមិន​ទាន់​នោះ​ទេ”។

រំឭក​ថា Ferdinand បាន​ចំណាយ​ពេល ១២ រដូវ​កាល​នៅ United ​ក្រោយ​ផ្លាស់​ចេញ​ពី Leeds United មក​រួមរស់​នៅ Old Trafford ជាមួយ​តម្លៃ​ខ្លួន ៣០ លាន​ផោន​កាល​ពី​ឆ្នាំ ២០០២ ហើយ​គ្រា​នោះ​ក៏​បាន​ជាប់​ឈ្មោះ​ជា​កីឡាករ​អង់គ្លេស​មាន​តម្លៃ​ខ្ពស់​ជាង​គេ​ផង​ដែរ។ អំឡុង​ដឹកនាំ​ដោយ Sir Alex ខ្សែ​ការពារ​រូប​នេះ គឺ​លេង​សង់តង់​គ្នា​ល្អ​បំផុត​ជាមួយ​មិត្ត​រួម​ទ្រនំ Nemanja Vidic ដែល​ទើប​ប្រកាស​ចូល​និវត្តន៍​នា​ពេល​កន្លង​ទៅ។ ប្រភព: Sportskeeda

ភ្ជាប់ទំនាក់ទំនងជាមួយ CTS SPORT