លោក Claudio Ranieri ត្រូវបានក្លឹប Roma តែងតាំងជាអ្នកចាត់ការក្រុមរបស់ខ្លួនរហូតដល់ចប់រដូវកាលនេះ ក្រោយពីបណ្ដេញលោក Di Francesco ចេញពីតំណែង។លោក Di Francesco ក្រោយពីដឹកនាំក្រុម Roma ធ្លាក់ចេញពីពានរង្វាន់ UEFA Champions League ក្រោមថ្វីជើង Porto មក ក៏ត្រូវបានក្លឹបបណ្ដេញចេញពីតំណែងភ្លាមតែម្ដង។ ហើយក្លឹប Roma បានប្រកាសតែងតាំងលោក Ranieri ដែលក្លឹប Fulham ទើបបណ្ដេញចេញនោះ ចូលមកដឹកនាំក្រុមរហូតដល់ចប់រដូវកាលនេះ។បុរសវ័យ៦៧ឆ្នាំដែលបង្កើតប្រវត្តិសាស្ត្រដឹកនាំ Leicester City លើកពានលីគកំពូលអង់គ្លេសនោះ បាននិយាយក្រោយតែងតាំងជាអ្នកចាត់ការក្រុម Roma ថា៖ “ខ្ញុំសប្បាយចិត្តដែលត្រលប់មកផ្ទះវិញ។ ពេល Roma ហៅខ្ញុំ វាពិតជារឿងមិនអាចទៅរួចទេ ដែលនិយាយពាក្យថាទេ”។
លោក Ranieri ជាអ្នកចាត់ការមានបទពិសោធច្រើនមែនទែននៅអ៊ីតាលី ដោយធ្លាប់ដឹកនាំក្រុមជាច្រើននៅទីនេះ ហើយនៅអេស្ប៉ាញក៏លោកធ្លាប់ទៅដឹកនាំក្រុមផងដែរដូចជា Valencia , AT Madrid ជាដើម។ ឱ្យខ្លីទៅ ក្លឹបនៅអ៊ីតាលី អេស្ប៉ាញ អង់គ្លេស បារាំង ក្រិក អីនោះសុទ្ធតែលោកធ្លាប់ដឹកនាំអស់ហើយ៕
ប្រភព៖ DailyMail