• ជម្លោះ Ramos ​និង Perez ​ស្ងប់​ស្ងាត់​វិញ ​ក្រោយ​អ្នក​ទាំង​ពីរ​ចូល​តុ​អង្គុយ​និយាយ​គ្នា​

    កាល​ពី​ម្សិលមិញ​នេះ ​មាន​ដំណឹង​ថា​លោក Perez ​ប្រធាន​ក្លឹប Real Madrid ​ឈ្លោះ​គ្នា​ជាមួយ Sergio Ramos ​ខ្លាំង​នៅ​បន្ទប់​ផ្លាស់​សំលៀក​បំពាក់ ​ក្រោយ​ពី​ក្រុម​ធ្លាក់​ចេញ​ពី​ពាន​រង្វាន់ UEFA Champions League ។ការ​ប្រកែក​គ្នា​ខ្លាំង​នោះ កើត​ឡើង​ដោយសារ​តែ​លោក Perez ​បាន​ដាក់​បន្ទុក​ទាំង​អស់​ដែល​ក្រុម​លេង​មិន​ល្អ ​ទៅ​លើ Ramos ​។ ស្រប​ពេល​ខាង​ខ្សែ​ការពារ​រូប​នេះ បាន​ប្រាប់​ទៅ​វិញ​ថា​មក​ពី​ថ្នាក់​ដឹក​នាំ​ក្លឹប​មិន​អាច​ស្វែង​រក​ខ្សែ​ប្រយុទ្ធ​ល្អ ​មក​ជំនួស​តំណែង Ronaldo ​ដែល​ចាកចេញ​ទៅ​បាន​ទើប​ក្រុម​ធ្លាក់​ដល់​ថ្នាក់​នេះ។ ការ​ឈ្លោះ​ប្រកែក​គ្នា​នេះ ​ឈាន​ដល់​ប្រធាន​ក្លឹប Perez ​ចង់​ដេញ​ប្រធាន​ក្រុម​ចោម​ថែម​ទៀត​ផង។

    យ៉ាងណាមិញ ​នៅ​ថ្ងៃ​នេះ​មាន​ដំណឹង​ថា​អ្នក​ទាំង​ពីរ​ចាប់​ផ្ដើម​និយាយ​ចរចា​គ្នា​វិញ​ហើយ ដើម្បី​ស្វែង​រក​ដំណោះស្រាយ​ក្រុម​។ ខណៈ​ដែល​ការ​ប្រកួត​នៅ​សល់​១២​ប្រកួត​ទៀត​ក្នុង​លីគ​ទើប​ចប់​រដូវ​កាល។ មាន​ដំណឹង​ថា​លោក Solari ​អ្នក​ចាត់ការ​ក្រុម Real Madrid ​បច្ចុប្បន្ន​អាច​នឹង​ត្រូវ​បណ្ដេញ​ចេញ ​ហើយ​អ្នក​ថ្មី​នឹង​បង្ហាញ​មុខ​ក្នុង​ពេល​ឆាប់​ៗ​នេះ៕

    ប្រភព៖ Marca

    ភ្ជាប់ទំនាក់ទំនងជាមួយ CTS SPORT