Rashford ៖ ​ខ្ញុំ​ជា Fan ​របស់ Ronaldo ​ប៉ុន្តែ Messi ​ជា​កីឡាករ​ល្អ​បំផុត

Marcus Rashford ​ខ្សែ​ប្រយុទ្ធ​ជម្រើស​ជាតិ​អង់គ្លេស ​បាន​និយាយ​ថា​ខ្លួន​ជា​អ្នក​គាំទ្រ​ងប់ងុល​ម្នាក់​របស់​ Cristiano Ronaldo ​ប៉ុន្តែ​បើ​និយាយ​ពី​កីឡាករ​ល្អ​ជាង​គេ​លើ​លោក​គឺ​បាន​ទៅ​លើ Lionel Messi ​ហើយ។

Ronaldo ​និង Messi ​បាន​ក្លាយ​ជា​ប្រធាន​បទ ​និង​ការ​ប្រកួត​ប្រជែង​គ្នា​អស់​ពេល​ជាង​១០​ឆ្នាំ​មក​ហើយ។ ​កីឡាករ​ជំនាន់​ក្រោយ​ៗ​តែងតែ​មាន​យោបល់​រៀង​ៗ​ខ្លួន​ថា​តើ​កីឡាករ​រូប​ណា​ល្អ​ជាង​រូប​ណា។ ជាក់​សម្ដែង សម្រាប់ Rashford ​វិញ ​រូបគេ​ក៏​បាន​បង្ហាញ​ចំណាប់​អារម្មណ៍​ផង​ដែរ ​ពោល​គឺ​កីឡាករ​អង់គ្លេស​រូប​នេះ​ជា​អ្នក​គាំទ្រ​របស់ Ronaldo ។

 

ត្បិត​តែ​គាំទ្រ Ronaldo ​មែន ប៉ុន្តែ​ខ្សែ​ប្រយុទ្ធ​ជម្រើស​ជាតិ​អង់គ្លេស​ខាង​លើ ​មិន​បាន​គិត​ថា​កីឡាករ​ព័រទុយហ្គាល់​ជា​កីឡាករ​ល្អ​ជាង​គេ​លើ​លោក​នេះ​ទេ។ ផ្ទុយ​ទៅ​វិញ ​យុវជន​ឆ្នើម​រូប​នេះ ជ្រើស​រើស​យក Messi ​ជា​កីឡាករ​ល្អ​ជាង​គេ​លើ​លោក​នេះ។ មួយ​វិញ​ទៀត ​បើ​និយាយ​ពី​កីឡាករ​ល្អ​ដែល Rashford ​ធ្លាប់​លេង​ជាមួយ​នោះ គឺ​រូបគេ​បាន​ជ្រើសរើស​យក Rooney ​ដែល​ជា​អតីត​មិត្ត​រួម​ក្រុម​លេង​នៅ​បិសាច​ក្រហម Manchester United ​រួម​គ្នា៕ប្រភព៖ DailyMail

 

 

 

 

ភ្ជាប់ទំនាក់ទំនងជាមួយ CTS SPORT