ខ្សែប្រយុទ្ធ Lukaku ចង់ឃើញលោក Solskjaer ក្លាយជាអ្នកចាត់ការផ្លូវការរបស់ក្រុម Manchester United ដូចទៅនឹងកីឡាករក្នុងក្រុមដទៃទៀតដែរ។លោក Solskjaer ដឹកនាំក្រុមបិសាចក្រហមចាញ់តែ១លើកគត់ក្នុងចំណោម១៧ប្រកួតកន្លងមក។ ហើយអ្វីដែលកាន់តែពិសេសទៀតនោះ គឺទើបទម្លាក់ក្រុម PSG បាននៅពានរង្វាន់ UEFA Champions League ។ ចំណុចល្អទាំងនេះហើយ ទើបបានជាកីឡាករនិងបុគ្គលិកនៅ Man Utd ទាំងអស់ចង់ឃើញប្រធានក្លឹបតែងតាំងអ្នកចាត់ការបណ្ដោះអាសន្ននេះ ឱ្យក្លាយជាផ្លូវការតែម្ដង។
Lukaku ខ្សែប្រយុទ្ធរកបាន២គ្រាប់៣ប្រកួតជាប់គ្នាឱ្យបិសាចក្រហម បាននិយាយដូច្នេះថា៖ “ខ្ញុំគិតថាវាដល់ពេលដែលត្រូវសម្រេចហើយ។ គាត់គួរតែទទួលបានតំណែងនេះ។ ពេលយើងឈ្នះ Spurs ឈ្នះ Chelsea ឈ្នះ Arsenal ហើយឥឡូវនេះទៀត។ តើពេលណាដែលគាត់គួរទទួលបានតំណែងអ្នកចាត់ការក្រុមនេះ”។Man Utd បច្ចុប្បន្ននេះ បានឡើងទៅលេងវគ្គ៨ក្រុមចុងក្រោយពានរង្វាន់ UEFA Champions League ហើយ។ ខណៈដែលពានរង្វាន់ English Premier League វិញ បានឡើងទៅ top4 និងនៅសល់ពានរង្វាន់ FA Cup ១ទៀតដែលត្រូវលេង៕
ប្រភព៖ DailyMail
