Emery ​ថា Arsenal ​មិន​ទាន់​ចេះ​លេង​បាល់​នៅ​ពេល​គ្នា​សល់​១០​នាក់​ទេ​

ក្រុម​កាំភ្លើង​ធំ Arsenal ​បាន​បរាជ័យ​ក្រោម​ថ្វី​ជើង​ក្រុម Rennes ​របស់​បារាំង ​ក្នុង​លទ្ធផល ៣-១ ​នា​ការ​ប្រកួត​ជើង​ទី​១​ពាន​រង្វាន់ Europa League ​។ក្រុម Arsenal ​ជា​អ្នក​នាំ​មុខ​មុន​នៅ​ត្រឹម​នាទី​ទី​៣​ប៉ុណ្ណោះ ​ដោយ Iwobi ​ធ្វើ​បាន​សម្រេច។ យ៉ាង​ណា​មិញ ​នៅ​ជិត​ចប់​តង់​ទី​១​ទៅ​ហើយ ខ្សែ​ការពារ ​Papastathopoulos ​ក៏​ទទួល​បាន​កាត​ក្រហម​និង​ធ្វើ​ឱ្យ​ក្រុម Rennes ​តាម​ស្មើ​នៅ​គ្រា​នោះ​ដែរ។ សល់​ត្រឹម​គ្នា​១០​នាក់​នៅ​តង់​ទី​២ ​ក្រុម​ Arsenal ​ហាក់​មិន​អាច​រក​គ្រាប់​បាល់​បន្ដ ​ឬ​រក្សា​សំណាញ់​ទី​បាន​នោះ​ទេ ​ជាក់​ស្ដែង​ពួកគេ​បាន​របូត​គ្រាប់​ដល់​ទៅ​២​ថែម​ទៀត។ ដែល​ធ្វើ​ឱ្យ​លទ្ធផល​ចប់​ការ​ប្រកួត​ជើង​ទី​១​នេះ Rennes ​៣-១ Arsenal ​។

លោក Emery ​ដែល​ជា​អ្នក​ចាត់ការ​ក្រុម​បាន​បញ្ជាក់​ថា Arsenal ​ហាក់​មិន​ទាន់​យល់​ចិត្ត​គ្នា​និង​ក្បួន​លេង​បាល់​គ្នា​១០​នាក់​ឡើយ។ ពួកគេ​ត្រូវ​លេង​សហការ​គ្នា​ច្រើន ដើម្បី​បំពេញ​ចន្លោះ​ប្រហោង​នៅ​ពេល​បាត់​បង់​សមាជិក​ម្នាក់។ ដោយ​បទ​ពិសោធន៍​នៅ​ថ្ងៃ​នេះ គឺ​ជា​គំរូ​ស្រាប់៕

ប្រភព៖ Skysport

ភ្ជាប់ទំនាក់ទំនងជាមួយ CTS SPORT