ក្រុម Arsenal នឹងទៅសួរសុខទុក្ខក្រុមម្ចាស់ផ្ទះ Renne ក្នុងការប្រកួតពានរង្វាន់ UEFA Europa League នៅម៉ោង១២:៥៥នាទីរំលងអាធ្រាត្រនេះហើយ។មុនការប្រកួតនេះចាប់ផ្ដើម លោក Unai Emery អ្នកចាត់ការក្រុម Arsenal បានបញ្ជាក់ថាក្រុមរបស់លោកត្រៀមខ្លួនរួចជាស្រេចសម្រាប់ការប្រកួតនេះ។ ត្បិតមានពេលតិចសម្រាប់ត្រៀមខ្លួន ប៉ុន្តែលោកមិនបន្ទោសកាលវិភាគរបស់ Premier League ឡើយ ហើយបើលទ្ធផលបរាជ័យក៏មកពីសមាជិកក្រុមទាំងមូលលេងមិនល្អ មិនមែនមកពីកាលវិភាគប្រកួតញឹកពេកនោះទេ។
ការនិយាយបែបនេះគឺហាក់ដូចជាដៀមដាមទៅអ្នកចាត់ការក្រុម Spurs ដែលកាលពីមុនប៉ះ Dortmund កន្លងទៅ បានដាក់បន្ទុកទៅលើកាលវិភាគញឹកពេក ធ្វើឱ្យកីឡាករខ្លួនពិបាកត្រៀមខ្លួនរៀបចំក្រុម។ ខណៈដែល Arsenal វិញ ប្រកួតនៅយប់នេះ គឺក្រោយក្រុម Spurs ប្រកួតចំនួន១ថ្ងៃពេញតែម្ដង៕
ប្រភព៖ DailyMail