Barcelona ​ចាញ់ Girona ​១-០ ​បាត់​ពាន ​Catalan Super Cup

ក្រុម FC Barcelona ​បាន​ចាញ់​ក្រុម Girona ១-០ ​ក្នុង​ការ​ប្រកួត​ពាន​រង្វាន់ Catalan Super Cup ​វគ្គ​ផ្ដាច់ព្រ័ត្រ​កាល​ពី​យប់មិញ​នេះ។ការ​ប្រកួត​ពាន​រង្វាន់​ក្នុង​តំបន់​នេះ​ដែរ ​ក្រុម​អ្នក​មាន​បុណ្យ​បាន​ដាក់​កីឡាករ​បម្រុង​ឱ្យ​ចូល​លេង​ច្រើន ​ដើម្បី​មើល​សមត្ថភាព។ ហើយ​ការ​ប្រកួត​នោះ​នៅ​តង់​ទី​១ ​គឺ​គ្មាន​គ្រាប់​បាល់​កើត​ឡើង​ឡើយ ​ប៉ុន្តែ​ឈាន​ដល់​តង់​ទី​២​វិញ ​ក្រុម Girona ​ក៏​រក​គ្រាប់​បាល់​១​គ្រាប់ ​ហើយ​វា​ក៏​ជា​គ្រាប់​បាល់​ជ័យជម្នះ​ផង​ដែរ។ ​នេះ​ជា​លើក​ដំបូង​ហើយ​សម្រាប់​ក្រុម Girona ​បង្ហាញ​វត្តមាន​ក្នុង​ពាន​រង្វាន់​នេះ ​ក្រោយ​ពី​វា​ត្រូវ​បាន​ប្ដូរ​ឈ្មោះ​តាំង​ពី​ឆ្នាំ​២០១៤​មក។

Catalan Super Cup ​នេះ​គឺ​ជា​ការ​ប្រកួត​រវាង​ក្រុម​ចំណាត់​ថ្នាក់​លើ​គេ​២ ​ប្រកួត​គ្នា​តែ​១​ប្រកួត​នេះ​ប៉ុណ្ណោះ​ដើម្បី​យក​ពាន​រង្វាន់​តែ​ម្ដង។ ហើយ​រាល់​ឆ្នាំ​គឺ Barcelona ​តែងតែ​ប៉ះ Espanyol ​ប៉ុន្តែ​ឆ្នាំ​នេះ​ដោយសារ​តែ Girona ​ល្អ​ជាង ទើប​បាន​ជា​ក្រុម​នេះ​មាន​ឱកាស​ចូល​លេង​ម្ដង​ជំនួស Espanyol ៕

ប្រភព៖ DailyMail

ភ្ជាប់ទំនាក់ទំនងជាមួយ CTS SPORT