Benito មិន​នឹក​ឈ្មោះ Zidane/Mourinho តែ​ថា​អ្នកចាត់ការ​រូប​នេះ​សក្ដិសម​បំផុត​សម្រាប់ R.Madrid

ការ​ដឹកនាំ​របស់ Santiago Solari កំពុង​ប្រឈម​ដើរ​ដល់​ផ្លូវបែក​ក្រោយ​ធ្វើ​ឲ្យ​របូត​ពាន ៣ ក្នុង​ចន្លោះ​ពេល​មួយ​សប្តាហ៍ តាម​រយៈ​បរាជ័យ​ទល់ Barcelona ពីរ​ប្រកួត និង​ធ្លាក់​ក្រោម​ថ្វី​ជើង Ajax នៅ Champions League វគ្គ ១៦ ​ក្រុម។

តាម​ការ​យល់​ឃើញ​របស់​អតីត​កីឡាករ​និង​គ្រូ​បង្វឹក​ក្រុម​យុវជន​នៅ Madrid គឺ Alvaro Benito បាន​សម្លឹង​ឃើញ​ថា​លោក Jurgen Klopp គឺ​ជា​អ្នកចាត់ការ​តែ​ម្នាក់​គត់​សក្តិសម​នឹង​មក​ដឹកនាំ​ក្លឹប Real Madrid ដែល​កំពុង​ជួប​បញ្ហា។

ស្រប​ពេល​ដែល​គ្រប់​គ្នា​ផ្ទុះ​ចចាមអារ៉ាម​រឿង​ Zidane និង Mourinho បុរស​វ័យ ៤១ ឆ្នាំ​ប្រាប់​ថា៖ “គ្មាន​អ្វី​ដែល​សង្ស័យ​នោះ​ទេ សម្រាប់​ខ្ញុំ​អ្នកចាត់ការ​សក្តិសម​បំផុត​សម្រាប់ Real Madrid គឺ​លោក Jurgen Klopp”។

បញ្ជាក់​ថា​តាម​សំឡេង​ឆ្នោត​លើ​គេហទំព័រ Marca ក៏​សង្កេត​ឃើញ​អ្នក​គាំទ្រ​ប្រមាណ ៣២ ភាគរយ សាទរ​យក​អ្នកចាត់ការ​អាល្លឺម៉ង់​រូប​នេះ​មក​ដឹកនាំ​ជំនួស Solari ជា​ទំហំ​ភាគរយ​ស្មើ​នឹង Zinedine Zidane ហើយ​ឈរ​ខ្ពស់​ជាង​ជម្រើស​ដទៃ។ ប្រភព: Marca

ភ្ជាប់ទំនាក់ទំនងជាមួយ CTS SPORT