• Solskjaer ៖ Man Utd ​នឹង​ទៅ​បាន​ឆ្ងាយ​ទៀត ​ក្នុង​ពាន UCL

    លោក Solskjaer ​អ្នក​ចាត់ការ​បណ្ដោះអាសន្ន​របស់​ក្រុម Manchester United ជឿ​ជាក់​ថា​បិសាច​ក្រហម​នឹង​ទៅ​បាន​ឆ្ងាយ​ថែម​ទៀត​ក្នុង​ការ​ប្រកួត​ពាន​រង្វាន់ UEFA Champions League ​នេះ។

    នៅ​យប់មិញ ​បិសាច​ក្រហម​បាន​បង្ក​ភាព​ភ្ញាក់ផ្អើល ​ដោយ​អាច​វាយ​បក​យក​ឈ្នះ​ក្រុម PSG ​ឡើង​ទៅ​វគ្គ​បន្ដ​បាន ​៣-១ ​ក្រោយ​ពី​ជើង​ទី​១​កន្លង​ទៅ​ក្នុង​ដី​ខ្លួន​ឯង​ចាញ់ ២-០ ​ទៅ​ហើយ។ ការ​ប្រកួត​ដ៏​ជក់​ចិត្ត​នេះ ​បាន​ការ​ចូល​រួម​យ៉ាង​ច្រើន​ពី​សំណាក់​បុគ្គល​ល្បី​ៗ ​ហើយ​ឈ្មោះ​របស់​លោក Solskjaer ​ក៏​ត្រូវ​បាន​គេ​ស្រែង​ហ៊ោ​ផង​ដែរ ​ក្រោយ​ពី​ដាក់​យុវជន​លេង​សោះ ​ជំនួស​កីឡាករ​របួស ប៉ុន្តែ​អាច​រក​បាន​៣​គ្រាប់​នៅ​ក្រៅ​ដី​យ៉ាង​នេះ។

    ក្រោយ​ពី​ចង់​ការ​ប្រកួត​នោះ​ទៅ ​អ្នក​ចាត់ការ​ដែល​ធ្លាប់​ជា​ខ្សែ​ប្រយុទ្ធ​កំពូល​ម្នាក់​របស់ Man Utd ​ខាង​លើ​បាន​និយាយ​ដូច្នេះ​ថា​៖ “នេះ​ជា​ការ​ប្រកួត​ជក់​ចិត្ត​បំផុត​មួយ។ យើង​អាច​ទៅ​បាន​គ្រប់​កន្លែង​នៅ​ពេល​នេះ ប៉ុន្តែ​យើង​ត្រូវ​រង់ចាំ​ការ​ចាប់​ឆ្នោត​សិន​ថា​យើង​នឹង​ប៉ះ​ក្រុម​ណា​បន្ដ។ យើង​តែងតែ​ជឿ​ជាក់​លើ​ខ្លួន​ឯង ​នេះ​ជា​អ្វី​ដែល​យើង​ត្រូវ​ដឹង ​យើង​គឺ​ជា Man United ​”៕ប្រភព៖ Dailymail

    ភ្ជាប់ទំនាក់ទំនងជាមួយ CTS SPORT