ប្រធាន​ក្លឹប Real Madrid លោក Florentino Perez ត្រូវ​បាន​រាយការណ៍​ថា​ប្រញាប់​ស្កាត់​ទាក់ទង​ទៅ​លោក Zinedine Zidane ត្រលប់​មក​ចូលរួម​ជាមួយ Real Madrid យ៉ាង​តក់ក្រហល់ ក្រោយ​បរាជ័យ​ក្រោម​ថ្វី​ជើង Ajax នៅ​លទ្ធផល ៥-៣ នៅ​វគ្គ ១៦ ​ក្រុម​ចុង​ក្រោយ Champions League។

យោង​តាម​ការ​លើក​ឡើង​របស់​អតីត​ប្រធាន​ក្លឹប​លោក Ramon Calderon បាន​និយាយ​ប្រាប់​សារព័ត៌មាន BBC Radio 5 Live ដូច្នោះ​ថា៖ “ខ្ញុំ​ដឹង​ថា​ព្រឹក​កន្លង​ទៅ​នេះ​ប្រធាន​ក្លឹប [Perez] បាន​ទាក់ទង​ទៅ Zidane ស្នើ​ឲ្យ​គាត់​ត្រលប់​មក​វិញ ប៉ុន្តែ​ការ​ឆ្លើយតប​របស់​គាត់​គឺ​ថា​មិន​មែន​ពេល​នេះ​ទេ”។

លោក​សង្កត់​ធ្ងន់​ជុំវិញ​ភាគរយ​ដែល​អាច​ទៅ​រួច៖ “គាត់​បាន​បើក​ចិត្ត​ថា​នឹង​អាច​ត្រលប់​មក​វិញ​ក្នុង​អំឡុង​ខែ​មិថុនា”។

រំឭក​ថា​ក្រោយ Zinedine Zidane ចាកចេញ​ទៅ គួប​ផ្សំ​នឹង​ការ​បាត់បង់ Cristiano Ronaldo ឲ្យ​ទៅ Juventus ទៀត​នោះ ក្លឹប Real Madrid បាន​បរាជ័យ​យ៉ាង​ធំ​សម្បើម​នា​រដូវ​កាល​នេះ ដោយ​ពាន ៣ ហាក់​របូត​ឲ្យ​ទៅ​ក្លឹប​ផ្សេង​​រួច​ទៅ​ហើយ មិន​ថា​តែ Copa del Rey, LaLiga និង Champions League ដែល​ខ្លួន​ធ្លាប់តែ​គ្រង ៣ រដូវ​កាល​ជាប់​គ្នា។ ប្រភព:SportBible