• Solari ​ថា ​មិន​ចេញ​ពី​តំណែង​ទេ ​ទោះ Real Madrid ​ធ្លាក់​ពី​ពាន​អស់​ក៏​ដោយ

    Santiago Solari អ្នក​ចាត់ការ​ក្រុម Real Madrid ​បាន​បញ្ជាក់​ថា​លោក​នឹង​មិន​ចាកចេញ​ពី​តំណែង​ឡើយ ​បើ​ទោះ​ជា Real Madrid ​ធ្លាក់​ពី​ពាន​រង្វាន់​៣​ក្នុង​១​សប្ដាហ៍​ក៏​ដោយ។

    ក្រុម​ Real Madrid ​បាន​ធ្លាក់​ចេញ​ពី​ពាន​រង្វាន់ UEFA Champions League ហើយ ​ក្រោម​ថ្វី​ជើង​ក្រុម Ajax ​ក្នុង​លទ្ធផល ​៥-៣ ​គិត​ទាំង​ពីរ​ជើង ​នៅ​វគ្គ​១៦​ក្រុម​ចុង​ក្រោយ។ បរាជ័យ​នេះ ​គឺ​ជា​ប្រវត្តិ​ជូរ​ចត់​មួយ​សម្រាប់​ក្រុម​អធិរាជ​ស ត្បិត​អី​ត្រឹម​រយៈ​១​សប្ដាហ៍​ប៉ុណ្ណោះ ​ពួកគេ​បរាជ័យ​ក្នុង​ដី​ខ្លួន​ឯង​៣​ប្រកួត​ជាប់​គ្នា​ទៅ​ហើយ។

    ត្បិត​តែ​លេង​មិន​ល្អ​យ៉ាង​នេះ​មែន ប៉ុន្តែ​លោក Solari ​ដែល​ជា​អ្នក​ចាត់ការ​បាន​បញ្ជាក់​ថា​លោក​នឹង​មិន​ចេញ​ពី​តំណែង​នោះ​ទេ។ ​បុរស​ទើប​ចូល​ដឹក​នាំ​ក្រុម​នា​រដូវ​កាល​នេះ​បាន​បញ្ជាក់​ថា​៖ “យើង​ពិបាក​ចិត្ត ​ហើយ​កំពុង​ទទួល​រង​ការ​រិះគន់។ ខ្ញុំ​នៅ​ទី​នេះ​ដើម្បី​ធ្វើ​ការ ​យើង​ធ្វើ​ការ​អាជីព ​ហើយ​នៅ​ថ្ងៃ​ស្អែក​យើង​នឹង​មក​ធ្វើ​ការ​បន្ដ។ ខ្ញុំ​មិន​មែន​មក​ទី​នេះ ​ហើយ​ពេល​លំបាក ​ចាក​ចេញ​ទៅ​វិញ​នោះ​ទេ”៕ប្រភព៖ Dailymail

    ភ្ជាប់ទំនាក់ទំនងជាមួយ CTS SPORT