ក្រុមបាល់ទាត់ជម្រើសជាតិនារីក្រោមអាយុ ១៩ឆ្នាំកម្ពុជា បានបញ្ចប់ភារកិច្ចក្នុងពានរង្វាន់អន្ដរជាតិ Jenesys 2018 Japan-Asean Youth Sports Exchange (Women’s Football U-19) ហើយ ដោយកំណត់ត្រាឈ្នះ១ ស្មើ១ និងចាញ់២។
លទ្ធផលមានដូចខាងក្រោម៖
- U-19 នារីកម្ពុជា ៤-១ U-19 នារីសឹង្ហបុរី
- U-19 នារីកម្ពុជា ០-៣ U-19 នារីម៉ាឡេស៊ី
- U-19 នារី Vicsale Koinawa FC ៣-០ U-19 នារីកម្ពុជា
- U-19 នារីឡាវ ១-១ U-19 នារីកម្ពុជា
កម្មវិធីនេះបានចាប់ផ្ដើមកាលពីថ្ងៃទី២៨ ខែកុម្ភៈ មុននឹងការប្រកួតចាប់ផ្ដើមនៅថ្ងៃទី០២ ខែមីនា ដោយកម្ពុជា ស្ថិតនៅពូល B ជាមួយក្រុមរបស់ជប៉ុន Vicsale Okinawa FC , ក្រុមនារីសិង្ហបុរី , ឡាវ និង ម៉ាឡេស៊ី។
សូមបញ្ជាក់ថា Jenesys 2018 Japan-Asean Youth Sports Exchange (Women’s Football U-19) ធ្វើឡើងដើម្បីជាការផ្លាស់ប្ដូរបទពិសោធន៍ និងចែករំលែកចំណេះដឹង រវាង ក្រុមបាល់ទាត់នារីរបស់ជប៉ុន ជាមួយក្រុមបាល់ទាត់នារីរបស់ប្រទេសក្នុងតំបន់អាស៊ាន ធ្វើឡើងជារៀងរាល់ឆ្នាំក្រោមគម្រោងរបស់សហព័ន្ធកីឡាបាល់ទាត់ជប៉ុន ដោយមិនមែនផ្ដោតតែទៅលើលទ្ធផលនៃការប្រកួតមួយមុខនោះឡើយ។
