• ភ្នាក់ងារ Bale ​៖ អ្នក​គាំទ្រ Real Madrid ​ដែល​រិះគន់ ​គួរ​ថើប​ជើង​របស់ Bale ​ទើប​ត្រូវ​

    ភ្នាក់ងារ​ទី​ផ្សារ​របស់​ខ្សែ​ប្រយុទ្ធ Gareth Bale ​បាន​ស្ដី​បន្ទោស​ទៅ​ក្រុម​អ្នក​គាំទ្រ​របស់ Real Madrid ​ដែល​បាន​រិះគន់​ចំពោះ Bale ​រឿង​ក្រោយ​ចប់​ការ​ប្រកួត​ទល់​ក្រុម Barcelona ។

    Bale ​ត្រូវ​បាន​គ​ដឹង​ថា​បាន​ចាកចេញ​ពី​ទីលាន​និង​បើក​ឡាន​ទៅ​ផ្ទះ​មុន​គេ ​ក្នុង​ការ​ប្រកួត​ដែល Real Madrid ​ចាញ់ Barcelona ​១-០។ កត្តា​នេះ​ហើយ ​បាន​ធ្វើ​ឱ្យ​អ្នក​គាំទ្រ​របស់​ក្រុម Real Madrid ​មួយ​ចំនួន​ស្ដី​បន្ទោស​ទៅ​លើ​កីឡាករ​សញ្ជាតិ​វែល​ខាង​លើ​នេះ​យ៉ាង​ខ្លាំង។ ជាមួយ​នឹង​ការ​រិះគន់​នេះ ​ភ្នាក់ងារ​ទីផ្សារ​របស់ Bale ​បាន​ឆ្លើយ​តប​វិញ​ថា ​ក្រុម​អ្នក​គាំទ្រ​ទាំង​អស់​គួរ​តែ​ខ្មាស​ខ្លួន​ឯង​ទៅ​វិញ​ទេ។

    លោក ​Jonathan Barnett ​ដែល​ជា​ភ្នាក់ងារ​របស់ Bale ​តាំង​ពី​ឆ្នាំ​២០១៣​មក​នោះ ​បាន​និយាយ​ដូច្នេះ​ទៀត​ថា​៖ “គាត់​គួរ​តែ​ទទួល​បាន​ការ​គោរព​ជាង​នេះ។ គ្រាប់​បាល់​ជា​ច្រើន​ដែល​គាត់​រក​បាន​និង​ជួយ​ក្រុម​គឺ​ក្រុម​អ្នក​គាំទ្រ​គួរ​​តែ​កត់​សម្គាល់ ​ហើយ​ការ​ស្ដី​បន្ទោស​របស់​ពួកគេ​មិន​គួរ​ឱ្យ​កើត​មាន​ទេ។ ៦​ឆ្នាំ​នៅ​ទី​នេះ ​គាត់​បាន​ជួយ​ក្រុម​ឈ្នះ​គ្រប់​យ៉ាង។ គាត់​ជា​កីឡាករ​ល្អ​ជាង​គេ​លើ​លោក​ម្នាក់ ​អ្នក​គាំទ្រ​ទាំង​អស់​នោះ គួរ​តែ​មក​ថើប​ជើង​របស់​គាត់​ទើប​ត្រូវ”៕ប្រភព៖ Dailymail

    ភ្ជាប់ទំនាក់ទំនងជាមួយ CTS SPORT