ជើង​ស៊ុត ២ រូប​នៅ Serie A តាម​យ៉ាង​ប្រកិត ត្រៀម​ទម្លាក់ Ronaldo ពី​តំណែង Top Scorer

តារា​ឆ្នើម Cristiano Ronaldo បាន​ខកខាន​ការ​រក​គ្រាប់​បាល់​របស់​ខ្លួន​ចាប់​តាំង​ពី​ប្រកួត​យក​ឈ្នះ​លើ​ក្លឹប SPAL នៅ​លទ្ធផល ២-១ ពោល​គឺ​ប៉ុន្មាន​ប្រកួត​ចុង​ក្រោយ​របស់ Juventus ​កីឡាករ​ព័រទុយហ្គាល់​គ្មាន​ឱកាស​រក​គ្រាប់​បាល់​បន្ថែម​ទៀត​ឡើយ ដោយជាប់គាំងត្រឹមគ្រាប់បាល់ទី ១៩។

ការ​ខកខាន​នេះ​ក៏​បើក​ផ្លូវ​ឲ្យ​ជើង​ស៊ុត​ពីរ​រូប​នៅ Serie A រួម​មាន​ខ្សែ​ប្រយុទ្ធ Fabio Quagliarella និង Krzysztof Piatek កំពុង​តាម​យ៉ាង​ប្រកៀកប្រកិត​ត្រៀម​នឹង​ទម្លាក់ CR7 ពី​តំណែង Top Scorer បណ្តោះ​អាសន្ន។

បច្ចុប្បន្ន​ខ្ញី​ចាស់​វ័យ ៣៦ ឆ្នាំ​លេង​នៅ​ក្លឹប Sampdoria ​រក​បាន ១៩ គ្រាប់​ហើយ ខណៈ Piatek កំពុង​លេង​ឲ្យ AC Milan ​រក​បាន ១៨ គ្រាប់​ឈរ​នៅ​ចំណាត់ថ្នាក់​ទី​បី។

នៅ​ប្រកួត​ចុង​សប្តាហ៍​នេះ​យើង​ក៏​រំពឹង​នឹង​អាច​កាត់សេចក្តី​ភាព​ប្រកួតប្រជែង​នេះ​បាន ស្រប​ពេល Juventus ត្រូវ​ណាត់​ជួប Udinese ខណៈ Sampdoria ត្រូវ​តតាំង Atalanta ក្នុង​ដី។

ភ្ជាប់ទំនាក់ទំនងជាមួយ CTS SPORT