ក្រុម Liverpool លេងបានត្រឹមស្មើ Everton ០-០ ក្នុងការប្រកួតលីគអង់គ្លេស ដែលធ្វើឱ្យក្រុមមួយនេះ ធ្លាក់មកលេខ២វិញ និងក្រុម Man City ឡើងទៅលេខ១។
បន្ទាប់ពីការប្រកួតយប់មិញ លោក Klopp អ្នកចាត់ការក្រុមហង្សក្រហមបាននិយាយថា៖ “វាជាការប្រកួតមួយដែលពិបាកខ្លាំងណាស់…ខ្យល់គឺជាឧបសគ្គរបស់យើង។ ខ្ញុំដឹងថាតើបើខ្ញុំនិយាយដូច្នេះ អ្នកគ្រប់គ្នានឹងមិនពេញចិត្តទេ ប៉ុន្តែវាជាការពិត។ វាបានធ្វើឱ្យយើងពិបាកគ្រប់គ្រងបាល់ យើងមានឱកាសល្អច្រើន ប៉ុន្តែមិនអាចធ្វើបានសម្រេចទៅវិញ”។
នេះមិនមែនជាលើកទី១ទេ ដែលអ្នកចាត់ការខាងលើបានបន្ទោសខ្យល់ដែលធ្វើឱ្យក្រុម Liverpool មិនឈ្នះការប្រកួតនោះ។ ជាក់ស្ដែងកាលលេងនៅពាន FA Cup លោកក៏បានបន្ទោសខ្យល់ខ្លាំងពេកដែរ ដែលធ្វើឱ្យក្រុមពិបាកលេងនិងធ្លាក់ចេញពីពានរង្វាន់នេះ៕ប្រភព៖ Dailymail
