លោក Pep Guardiola កំពុងសំឡឹងមើលកីឡាករ៣ទៅ៤នាក់ទៀតនារដូវក្ដៅខាងមុខនេះ ដើម្បីមកពង្រឹងក្រុមបន្ថែមទៀត។
Man City ជាក្រុមល្អមួយនៅអង់គ្លេស ដែលបានចំណាយប្រាក់ជាច្រើនក្នុងការទិញយកកីឡាករល្អៗមកចូលរួមក្នុងរយៈពេលដែលលោក Pep មកដឹកនាំនេះ។ ការចំណាយប្រាក់សន្ធឹកសន្ធាប់របស់លោក Pep នេះ បានធ្វើឱ្យក្រុមនេះទទួលបានផ្លែផ្កាច្រើនក្នុងរយៈពេលកន្លងទៅ ដោយឈ្នះទាំង Premier League និងពាន Cup ជាច្រើនទៀត។ ដោយនៅសល់តែ Champions League ប៉ុណ្ណោះដែលពួកគេមិនទាន់ស្គាល់ជាតិនៅឡើយ។
ដើម្បីឱ្យដល់គោលដៅធំពានរង្វាន់ទ្វីបអឺរ៉ុបនេះ លោក Pep នឹងបន្ថែមកម្លាំងយ៉ាងតិច៤នាក់ទៀត នៅរដូវកាលថ្មីខាងមុខ។ ការធ្វើបែបនេះ គឺដើម្បីមកបំពេញចន្លោះប្រហោងក្នុងក្រុម។ ខណៈដែលកីឡាករមួយចំនួនក៏ត្រូវចាកចេញផងដែរ៕ប្រភព៖ Bbc
